Arddangos cynnyrch o Gymru yn Paddington

 

Lesley Griffiths

Llun: Cynulliad Cenedlaethol Cymru CC 2.0

Fe fydd cynnyrch o Gymru yn cael ei arddangos yng ngorsaf drenau Paddington ddydd Iau fel rhan o ymgais i ddangos y cyfleoedd masnachu fydd ar gael ar ôl Brexit.

Fe fydd wyth cwmni o Gymru’n arddangos eu cynnyrch – popty Tan y Castell, hufen ia Franks, bragdy Monty, seidr Hallets, cyffaith Maesyfed, diodydd meddal Maesyfed, bwydydd fferm Cwm a chaws Cenarth.

Bydd seidr Hallets a chynnyrch bragdy Monty ar gael o 11y.b. tan 7y.h., ond yr holl gynnyrch arall ar gael rhwng 7y.b. a 7.y.h.

Fe fydd Prif Weinidog Cymru, Carwyn Jones yno’n cefnogi’r digwyddiad sy’n adeiladu ar ddigwyddiadau tebyg yn y gorffennol.

‘Cyfle ar ôl Brexit’

Dywedodd Ysgrifennydd y Cabinet dros Ynni, Cynllunio a Materion Gwledig, Lesley Griffiths: “Mae bwyd a diod o Gymru wedi ennill enw da haeddiannol am fod yn unigryw ac yn gynnyrch uchel ei ansawdd. Mae gennym dargedau uchelgeisiol ac rydyn ni am weld y diwydiant yn tyfu 30%, gan ddod yn werth £7 biliwn erbyn 2020. Rydyn ni’n agos iawn at gyrraedd y targed hwnnw’n gynnar.

“Mae’r digwyddiad hwn heddiw yn gyfle arall i gwmnïau bwyd a diod o Gymru arddangos eu cynhyrchion y tu allan i Gymru ac mae’n gydnabyddiaeth bellach o’r parch tuag at y sector.

“Mae’n arbennig o amserol wrth inni baratoi i adael yr Undeb Ewropeaidd.  Bydd y diwydiant bwyd a diod yn sector ‘sylfaen’ allweddol inni ar ôl Brexit. Rydyn ni’n benderfynol o wneud popeth o fewn ein gallu i sicrhau diwydiant cryf a ffyniannus yng Nghymru ar ôl inni adael yr Undeb Ewropeaidd.

“Dwi’n gobeithio y bydd teithwyr yn Paddington yn mwynhau blasu’r arlwy amheuthun a fydd ar gael yn yr orsaf ac yn achub ar y cyfle i brynu’r cynhyrchion uchel eu hansawdd a fydd ar werth.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed