Pla pryfed Llanelli: trosglwyddo’r achos i Cyfoeth Naturiol Cymru

Diweddarwyd am  

Llun: CC0

Mae swyddogion Cyngor Sir Gaerfyrddin wedi trosglwyddo’r cyfrifoldeb am y pla o bryfed yn Llanelli i gorff amgylcheddol Cyfoeth Naturiol Cymru.

Ers bron i fis, mae pobol leol yn ardal Glanymor, Llanelli, wedi gorfod byw â phla o bryfed nad oedd neb, yn wreiddiol, yn gwybod o ble ddaethon nhw.

Ond mae Cyngor Sir Gaerfyrddin wedi cadarnhau eu bod nhw wedi darganfod un ffynhonnell bosib – sef canolfan ail-gylchu leol.

Rheoli’r pla

Erbyn hyn, mae’r awdurdod lleol yn dweud bod Cyfoeth Naturiol Cymru wedi cymryd rheolaeth dros dro o’r ganolfan.

Ond maen nhw’n mynnu bod ei swyddogion amgylcheddol yn parhau i weithio yn y gymuned, gan gynnig cymorth i drigolion lleol.

Ers canol yr wythnos ddiwetha’, medden nhw, maen nhw ymweld â’r ardal 256 o weithiau, gan ymateb 28 o weithiau i alwadau brys.

Mae dau sgip hefyd wedi cael eu gosod yn yr ardal erbyn hyn, er mwyn i bobol leol gael gwared o unrhyw wastraff sydd yn eu cartrefi.

Symud y gwastraff

Mae llefarydd ar ran Cyfoeth Naturiol Cymru wedi cadarnhau ei bod nhw ar hyn o bryd yn symud y gwastraff o’r ganolfan ailgylchu, gan ymchwilio ymhellach i ffynhonnell y pla.

“Mae’r gwastraff a oedd yn achosi’r broblem ar hyn o bryd yn cael ei symud o’r safle ac fe fydd ein swyddogion yn sicrhau bod y cwmni yn cymryd y camau priodol i atal unrhyw broblemau yn y dyfodol,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?