Arweinydd Llafur Cymru: disgwyl cadarnhau cynhadledd

 
Llun o'r gwleidydd o'r ochr

Carwyn Jones

Llun: Cynulliad Cenedlaethol Cymru CC0 trwy Commons Wikimedia

Mae disgwyl i Lafur Cymru gymeradwyo cynlluniau i gynnal cynhadledd i benderfynu sut fydd eu harweinydd nesaf yn cael ei ethol.

Mae Prif Weinidog Cymru, Carwyn Jones eisoes wedi cyhoeddi ei fwriad i gamu o’r neilltu ym mis Rhagfyr.

O dan y drefn bresennol, ni fyddai angen mwyafrif ar yr ymgeisydd llwyddiannus i ddod yn arweinydd y blaid. Ond mae ymgyrchwyr yn galw am newid y drefn er mwyn sicrhau bod yr holl bleidleisiau yr un mor werthfawr â’i gilydd.

Ar hyn o bryd, mae’r bleidlais wedi’i rhannu’n dair – rhwng Aelodau Seneddol ac Aelodau’r Cynulliad, aelodau’r blaid, ac undebau a grwpiau cysylltiedig.

Mae ymgyrchwyr yn galw am newid y drefn o’r coleg etholiadol i ‘un aelod un bleidlais’, gan ddweud y byddai’n ffordd fwy democrataidd o ethol arweinydd newydd. Dyma’r drefn a gafodd ei defnyddio gan Lafur Prydain i ethol Jeremy Corbyn.

Ond mae cefnogwyr y coleg etholiadol, gan gynnwys Carwyn Jones, yn dweud ei bod yn adlewyrchu cefnogaeth yr undebau llafur.

Papur

Bydd y Pwyllgor Gwaith yn cwrdd yng Nghaerdydd heddiw i ystyried papur sydd wedi’i gyflwyno ar strwythur arweinyddiaeth Llafur Cymru.

Mae Carwyn Jones wedi awgrymu bod angen adolygiad o strwythur y blaid, sy’n cynnwys sut caiff arweinydd y blaid ei ethol. Ei obaith yw y bydd yr adolygiad hwnnw’n cael ei gwblhau cyn dewis ei olynydd.

Fe allai’r gynhadledd, felly, gael ei chynnal ar Fedi 15.

Ar hyn o bryd, dim ond yr Ysgrifennydd Cyllid, Mark Drakeford sydd wedi ennill digon o gefnogaeth i fod yn ymgeisydd am yr arweinyddiaeth. Mae’r Ysgrifennydd Iechyd, Vaughan Gething hefyd wedi mynegi diddordeb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed