Galw am drafod Morlyn Abertawe “cyn gynted â phosib”

 

Morlyn Abertawe

Mae Prif Weinidog Cymru wedi galw am drafodaeth “cyn gynted â phosib”, tros ariannu a chefnogi Morlyn Bae Abertawe.

Mewn llythyr at Ysgrifennydd Ynni San Steffan, Greg Clark, mae Carwyn Jones yn datgan awydd Llywodraeth Cymru i gyfrannu at ariannu’r prosiect.

Ac mae’n nodi bod ei Lywodraeth yn fodlon cyfrannu benthyciad £200m,  cyn belled a bod yna “ymrwymiad gan Lywodraeth y Deyrnas Unedig” hefyd.

“Trafodaeth”

“Hoffwn drafodaeth ynglŷn â’r cynnig yma cyn gynted ag sy’n bosib, fel ein bod yn medru dod â’r ansicrwydd i ben,” meddai yn y llythyr.

“Ac fel bod ni’n medru gweithio gyda’n gilydd, a dod o hyd i fodd o symud ymlaen gyda’r prosiect arloesol yma, mewn modd fforddiadwy ac sy’n sicrhau gwerth am arian.”

Mae’r llythyr hefyd wedi’i gyfeirio at Brif Weinidog y Deyrnas Unedig, Theresa May, ac at Ysgrifennydd Gwladol Cymru, Alun Cairns.

Daw’r llythyr, wrth i adroddiadau awgrymu bod Llywodraeth San Steffan yn bwriadu cefnu ar y cynllun.

Byddai’r prosiect yn costio £1.3bn ac yn darparu trydan i 120,000 o dai am 120 o flynyddoedd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed