“Anodd iawn ysgrifennu am ymladd canser” – Margaret Williams

Diweddarwyd am  

Margaret Williams

Llun cyhoeddusrwydd S4C

Mae cantores ac actores o Fôn yn dweud ei bod yn brofiad “anodd iawn” ysgrifennu pennod yn ei hunangofiant newydd sy’n sôn am ei chyfnod yn dioddef o ganser.

Ddwy flynedd yn ôl, fe gafodd Margaret Williams, sydd wedi bod yn wyneb cyfarwydd ar lwyfannau Cymru a’r byd ers dros 60 mlynedd, glywed ei bod yn dioddef o ganser y fron.

Roedd ar y pryd yn ysgrifennu ei hunangofiant, Margaret, a hynny gyda chymorth y darlledwr Hywel Gwynfryn. Ac wrth iddi dderbyn y driniaeth, fe benderfynodd ychwanegu pennod am y cyfnod hwnnw.

“Roedd hi’n anodd iawn,” meddai Margaret Williams wrth golwg360. “Roedd y dagrau’n agos trwy’r amser.

“Roeddwn i’n siarad ac yn stopio, ac yn deud ac yn stopio. Ro’n i hefyd, yn y diwedd, yn gorfod ail-ysgrifennu ambell ddarn fy hun… ond fe ddaethon ni drwyddi.”

Teulu yn bwysig

Mae Margaret Williams yn dweud mai ysgrifennu am hanes ei gyrfa yn y byd perfformio a darlledu oedd ei nod ar y cychwyn, gyda dim ond “brawddeg neu ddwy” am ei chefndir a’i theulu.

Ond fe wnaeth y newyddion am y canser “ddylanwadu ar ei meddwl”, meddai.

“Doedd yr yrfa ddim yn bwysig i mi o gwbwl, a dw i’n sôn llai am hynny, ac oherwydd hynny, be o’n i’n siarad amdano fwyaf oedd fy nheulu ac am y gorffennol…

“Ac roedd Hywel [Gwynfryn], chwara teg iddo, yn dweud, ‘Wel, mae’n rhaid i ni sôn am dy yrfa di, ac am y bobol rwyt ti wedi gweithio efo nhw’, ond eto roeddwn i’n mynd yn ôl at fy nheulu.

“Felly, mae o’n deud lot am brofiadau pobol a theimladau pobol o dan amgylchiadau mawr.”

Dyma glip o Margaret Williams yn darllen darn o bennod ola’ yr hunangofiant, sy’n cyfeirio at yr adeg pan wnaeth hi ddarganfod bod ganddi’r clefyd…

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?