“Ailenwch bont Hafren ar ôl Aneurin Bevan” meddai cofiannydd brenhinol

Diweddarwyd am  

Ail Bont Hafren

Dylai’r ail Bont Hafren gail ei henwi ar ôl sylfaenydd y Gwasanaeth Iechyd Gwladol (GIG) ac nid y Tywysog Siarl, yn ôl bywgraffydd brenhinol.

Mae Brian Hoey yn adnabyddus am ysgrifennu degau o lyfrau am aelodau o’r teulu brenhinol – o Mountbatten i Zara Phillips, y Frenhines Elisabeth a’r Tywysog Siarl – yn ogystal â llyfrau ffeithiol eraill am longau, trenau a holl ffordd o fyw y Windsors.

Ond tra’n cyfrannu i raglen drafod Wales Live ar BBC 1 neithiwr, (nos Fercher Mai 16), dywedodd y brenhinwr ei fod yn gwrthwynebu cynlluniau Llywodraeth y Deyrnas Unedig i ail enwi’r bont yn ‘Bont Tywysog Cymru’.

“Heb ofyn”

“Aeth Alun Cairns, Ysgrifennydd Gwladol Cymru, ar Wales Today a dywedodd bod y mwyafrif o bobol yng Nghymru eisiau enwi’r bont ar ôl  Tywysog Cymru,” meddai Brian Hoey, wrth gymryd rhan mewn trafodaeth banel dan lywyddiaeth y cyflwynwyr, Jason Mohammad a Bethan Rhys Roberts.

“A ofynnodd e iddyn nhw? Ofynnodd e ddim i fi. A ofynnodd e i chi [ar y panel]? Wnaeth e ddim gofyn fy marn i! Dw i ddim yn meddwl y dylai’r bont gael ei enwi ar ôl y tywysog.

“Mae gen i safbwynt fy hun ar y mater. Ac mi ddyweda’ i wrthoch chi. Dylai gael ei henwi ar ôl Aneurin Bevan.”

Protestio

Daw sylw Brian Hoey wedi i westai arall ar y rhaglen, Jamie Matthews, gyhuddo Alun Cairns o “orfodi” y penderfyniad ar Gymru. Dyna pam, meddai Jamie Matthews, yr aeth ati i sefydlu’r ddeiseb yn gwrthwynebu’r ailenwi.

Mae penderfyniad yr Ysgrifennydd Gwladol wedi corddi cryn dipyn, ac mae protestiadau eisoes wedi’u cynnal. Mae un arall wedi’i threfnu ar gyfer dydd Llun, Mai 28.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd