Annog y Llywodraeth i ariannu’r wasg yng Nghymru

 

Papurau newydd

Llun: Jon S, Flickr, CC 2.0 (wedi’i docio)

Dylai Llywodraeth Cymru ystyried ariannu’r wasg yng Nghymru er mwyn mynd i’r afael â’r “diffyg plwraliaeth ac amrywiaeth sydd gennym ar hyn o bryd”.

Dyna yw argymhelliad Pwyllgor Diwylliant, y Gymraeg a Chyfathrebu’r Cynulliad yn ei adroddiad diweddaraf dan y teitl, ‘Ymchwiliad i Newyddiaduriaeth Newyddion yng Nghymru’.

Mae’r pwyllgor yn nodi bod sector cyhoeddus y Deyrnas Unedig wedi osgoi ariannu’r wasg yn y gorffennol oherwydd eu bod yn ofni “llesteirio rhyddid y wasg”.

Ond, mae’r Aelodau Cynulliad yn teimlo bod y sefyllfa sydd ohoni yng Nghymru, bellach yn galw am ymyrraeth wladwriaethol – a hynny “er budd y cyhoedd”.

Cymhorthdal

“Credwn fod yr amser wedi dod i ystyried a ddylid defnyddio cymhorthdal anuniongyrchol yn fwy creadigol i helpu darparwyr llai,” meddai’r adroddiad.

Mae’r adroddiad yn nodi bod golwg360 – sy’n cael ei ariannu gan y Llywodraeth trwy’r Cyngor Llyfrau – yn enghraifft o lwyddiant y drefn yma, ac yn argymell cefnogi’r wasg cyfrwng Saesneg yn yr un modd.

Yn ogystal, mae’r pwyllgor yn dweud y gallai darparwyr newyddion lleol gael trafferth yn denu cwmnïau i hysbysebu ar-lein, a’n cwestiynu gallu’r wasg i ddibynnu ar y refeniw yma mwyach.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed