Golygydd yr Herald Cymraeg yn mynd ar ôl chwarter canrif

Diweddarwyd am  

Mae golygydd yr Herald Cymraeg yn rhoi’r gorau iddi, ar ôl bod yn y swydd ers 1994.

Fe ddaeth y cyhoeddiad ym mhedair tudalen Gymraeg y cyhoeddiad y tu mewn i’r Daily Post heddiw (dydd Mercher, Ebrill 18).

Mae Tudur Huws Jones yn hanu o Langefni ym Môn, ac wedi bod yn newyddiadura ers ymuno â staff yr Herald yn 1989.

Mae hefyd yn adnabyddus fel cerddor gyda’r grwpiau Cilmeri, 4 yn y Bar, Gwerinos a’r Cynghorwyr; a fo ydi cyfansoddwr y gân boblogaidd, ‘Angor’.

Fe gyhoeddwyd y rhifyn cyntaf o’r Herald Cymraeg yng Nghaernarfon yn 1855, ond mae dyfodol y tudalennau wedi bod yn ansicr ers rhai blynyddoedd, wrth i gwmni Trinity Mirror gau swyddfa Caernarfon a thorri’n ôl ar adnoddau.

Fe fydd Tudur Huws Jones yn gorffen yn y gwaith ddydd Gwener yr wythnos hon (Ebrill 20), gyda’i rifyn olaf yn dod o’r wasg ddydd Mercher nesaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019