Marw’r bardd a’r ffermwr, Emyr Oernant

Diweddarwyd am  

Emyr Oernant Jones (ar y chwith) gyda’i gyd-aelodau yn nhîm Tanygroes

Llun: BBC Radio Cymru

Bu farw un o gymeriadau mwya’ lliwgar Sir Aberteifi a rhaglenni Talwrn y Beirdd.

Fe ddaeth Emyr ‘Oernant’ Jones yn enw cyfarwydd yn aelod o dîm Tanygroes – un o dimau gwreiddiol cyfres y Talwrn ddiwedd y 1970au.

Roedd yn gywyddwr medrus wedi iddo fynd i’r afael â dysgu cynganeddu yn nosbarthiadau T Llew Jones ac Idris Reynolds ymhell yn ei ganol oed.

Ond efallai mai ei arfer o wisgo ei sbectol yn uchel ar ei dalcen a’i gwnaeth yn gymeriad mor boblogaidd mewn talyrnau ac ymrysonau. Fe gafodd ei ddisgrifio’n annwyl fel “yr unig fardd yng Nghymru â thalcen bi-ffocal”.

Fe wnaeth ei ymddangosiad olaf ar y Talwrn mewn gornest ym Mhontgarreg ger Llangrannog ganol mis Ionawr.

Roedd yr ‘Oernant’ yn ei enw yn cyfeirio at ei fferm ar gyrion tref Aberteifi, ac roedd ei waith yn gyson gyfeirio at y byd amaethyddol.

Roedd yn chwaraewr chwist brwd iawn, ac ar ôl ennill ei ornest nos Lun yr wythnos hon y dychwelodd gartref i Oernant, a marw yn ei gwsg.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019