Babi cynta’r Gwasanaeth Iechyd yn ‘torri ei chalon’ tros doriadau

 
Llun agos o Ambiwlans Argyfwng

Ambiwlans fodern

Llun Shelley C28 CCA3.0

Mae’r Gymraes sydd â’r clod o fod y babi cynta i gael ei geni dan ofal y Gwasanaeth Iechyd Cenedlaethol wedi dweud ei bod y n “torri ei chalon” i weld gwasanaethau’n dirywio.

Fe ddywedodd Aneira Thomas o Abertawe wrth gynhadledd flynyddol undeb Unison bod ei merch wedi gorfod aros i gael triniaeth i waedlif ar yr ymennydd oherwydd fod gorsaf ambiwlans ynghau dros nos.

“Dwy’r Gwasanaeth Iechyd ddim yn cael digon o arian, mae staff yn cael gormod o waith a rhy ychydig o gyflog ac mae gwasanaethau wedi’u torri,” meddai. “A’r Llywodraeth [Prydain] sydd wedi achosi hynny.

“Mae’r arian yno ond mae yna deimlad o ‘Dw i’n iawn’. Mae bywydau’n cael eu colli oherwydd yr hyn y maen nhw’n ei wneud.”

Geni ar ôl munud o’r gwasanaeth

Fe gyhuddodd nhw o fynd â’r maes yn ôl i’w gyflwr yn yr 1930au cyn creu’r gwasanaeth cenedlaethol a sicrhaodd ei bod hi’n cael ei geni’n ddigoel un munud wedi hanner nos ar Orffennaf 5, 1948, un munud wedi dechrau’r gwasanaeth.

Fe gafodd ei geni mewn ysbyty fwthyn yng Nglanaman, Sir Gaerfyrddin, a’i henwi ar ôl Aneurin Bevan, y Gweinidog Iechyd ar y pryd.

Fe awgrymodd fod nyrsys wedi dweud wrth ei mam am beidio â phwshio tan ar ôl hanner nos.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed