Datblygwyr tai yn anwybyddu ysgolion Cymraeg, medd mudiad rhieni

Diweddarwyd  
Rhes o dai ar hanner eu hadeiladu

Tai newydd

Llun: Paul Harrop CCA 2.0

Mae datblygwyr tai’n anwybyddu ysgolion cyfrwng Cymraeg yn ne Cymru wrth dynnu sylw at stadau newydd, yn ôl mudiad rhieni.

Mae Rhieni dros Addysg Gymraeg wedi beirniadu sawl cwmni adeiladu am nodi’r ysgolion cyfrwng Saesneg lleol, ond nid y rhai cyfrwng Cymraeg.

Maen nhw’n dweud nad oes modd “cyfiawnhau difaterwch” y cwmnïau hyn at y Gymraeg, ac maen nhw’n enwi Bellway Houses, Redrow Houses, Persimmon Homes a Taylor Wimpey Homes ymhlith y rhai sy’n euog o hyn.

Mae’r rhain i gyd yn datblygu ac yn hyrwyddo ystadau tai yn ardaloedd Rhondda Cynon Taf, Bro Morgannwg, Torfaen a Chasnewydd.

“Dddim yn dderbyniol”

“Dyw hi ddim yn dderbyniol rhoi camargraff mai addysg cyfrwng Saesneg yw’r unig ddewis sydd ar gael i deuluoedd sy’n ymgartrefu yn yr ystadau newydd hyn,” meddai Wyn Williams, Cadeirydd Cenedlaethol Rhieni dros Addysg Gymraeg.

“Mae’n anorfod bod canran uchel yn mewnfudo i Gymru, a mwy na thebyg, heb unrhyw syniad bod ganddynt ddewis arall o ran addysg eu plant.”

Mae Wyn Williams hefyd yn dweud bod yna “gwestiynau mawr” yn codi ynglŷn â pha gyfarwyddyd mae’r cwmnïau hyn yn eu cael gan lywodraeth lleol a Llywodraeth Cymru o ran hyrwyddo’r Gymraeg.

Roedd angen iddyn nhw wneud llawer mwy i hyrwyddo addysg Gymraeg ymhlith pobol sy’n dod i ddatblygiadau tai newydd, meddai.

Mae golwg360 wedi gofyn i bob un o’r cwmnïau tai, ynghyd â Llywodraeth Cymru, am ymateb.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd