‘Cyfiawnder meddal’ meddai’r papurau am farwolaeth dyn o Gymru

 
Llun Phillip Rasmussen ewdi ei osod tros bennawd y Sun

Pennawd y Sun a llun IQE o Phillip Rasmussen

Llun: Y Sun a gwefan IQE

Mae papurau Prydeinig wedi ymateb yn feirniadol i’r newyddion fod Americanwr wedi osgoi carchar am ladd dyn o Gymru mewn damwain car ar ynys Menorca.

Dim ond carchar wedi ei ohirio a gafodd ymwelydd 25 oed, o’r enw Bryan Leeds am ladd dyn busnes o Aberporth – a hynny er ei fod wedi yfed mwy na’r terfyn cyfreithlon.

Fe gafodd Phllip Rasmussen, 47, o Aberporth ei ladd pan oedd ar feic ar yr ynys yn y Môr Canoldir – fe drawodd car Bryan Leeds yn ei erbyn.

Bargen

Mae’n ymddangos bod yr Americanwr wedi cytuno ar fargen gyda’r awdurdodau ar yr ynys – fe blediodd yn euog i gyhuddiad o ddynladdiad a chael cosb o flwyddyn o garchar wedi ei gohirio.

Roedd prawf yn dangos fod ganddo 35mg o alcohol yn ei waed – sy’n gyfartal â’r lefel gyfreithlon yng ngwledydd Prydain ond yn uwch na’r terfyn o 25mg yn Sbaen.

Er fod papurau Prydeinig fel y Sun yn cyhuddo’r awdurdodau yn Sbaen o “gyfiawnder meddal”, mae’n debyg bod y gosb yn unol â’r arfer ym Menorca.

  • Roedd Phillip Rasmussen yn dad i dri o blant rhwng 15 a 21 oed ac yn bennaeth ariannol ar gwmni IQE yng Nghaerdydd sy’n gwneud rhannau i ffonau symudol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd