Carwyn Jones yn galw am gynllun tymor hir ar gyfer Syria

 
Llun o'r gwleidydd o'r ochr

Carwyn Jones

Llun: Cynulliad Cenedlaethol Cymru CC0 trwy Commons Wikimedia

Mae Prif Weinidog Cymru, Carwyn Jones wedi dweud ei fod yn “cefnogi” y cyrchoedd bomio yn Syria, ond fod angen cynllun gweithredu ar gyfer y wlad.

Roedd yn ymateb yn dilyn cyrchoedd awyr tros nos gan yr Unol Daleithiau gyda chymorth Prydain a Ffrainc, oedd yn canolbwyntio ar ddileu’r perygl o ymosodiadau cemegol.

Mewn datganiad, dywedodd Carwyn Jones ei fod e wedi trafod y sefyllfa â Phrif Weinidog Prydain, Theresa May nos Wener.

“Fe gynigiais fy nghefnogaeth i unrhyw ymyrraeth a allai atal rhagor o erchylltra, ond mae’n hanfodol fod unrhyw weithred yn rhan o gynllun tymor hir ar gyfer y rhanbarth.

“Rwyf wedi annog y Prif Weinidog i wneud popeth mae hi’n gallu ei wneud er mwyn osgoi anafu pobol gyffredin, o ystyried y darlun cymhleth ar lawr yn Syria, ac mae hi wedi rhoi sicrwydd i fi yn hynny o beth.

“Mae ein meddyliau heddiw gyda’r holl filwyr a phobol Syria sydd wedi dioddef y tu hwnt i bob mesur.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?