Denu plant a theuluoedd yn helpu’r Ardd i dorri record

 
Y tu mewn i'r ty gwydr

Ty Gwydr yr Ardd

LLun: Chris J Dickson CCA3.0

Rhoi pwyslais ar ddenu teuluoedd sydd wedi helpu Gardd Fotaneg Genedlaethol Cymru i gael ei ffigurau ymwelwyr gorau ers 17 mlynedd.

Fe gyhoeddodd yr Ardd heddiw fod bron 162,000 o bobol wedi ymweld â’r atyniad yn ystod y flwyddyn ariannol ddiwetha’ – y mwya’ ers 2001 yn ei blynyddoedd cynta’.

Roedd y ffigwr yn gynnydd o 20% ar ffigurau’r flwyddyn gynt a 41% ar y flwyddyn cyn honno.

Atyniadau newydd

Teuluoedd a phlant oedd yn gyfrifol am y cyfan bron o’r cynnydd, meddai Cyfarwyddwr yr Ardd, Huw Francis, gyda datblygiadau newydd yno’n cynnwys Palas Pili Pala a maes chwarae i blant.

Gyda tharged o 180,000 ar gyfer y flwyddyn nesa’ y bwriad yw parhau i gynnig atyniadau newydd, gan gynnwys Canolfan Adar Ysglyfaethus Prydain – yn ôl yr Ardd, roedd yr atyniadau newydd wedi codi’r ffigurau ar unwaith o 25,000.

Yn y blynyddoedd cynnar, fe aeth yr Ardd – sy’n agos at bentre’ Llanaerthne yn Sir Gaerfyrddin – i drafferthion ariannol fwy nag unwaith gan orfod gofyn am arian ychwanegol gan Lywodraeth Cymru i’w chynnal a, than y cynnydd diweddar, roedd y ffigurau ymwelwyr yn sownd o amgylch y 110,000.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?