Leanne Wood yn cwyno am dorri grant gwisg ysgol

Diweddarwyd am  
Llun pen ac ysgwydd o Leanne Wood

Leanne Wood, arweinydd Plaid Cymru

Llun: Cynulliad Cenedlaethol Cymru CC 2.0

Mae Arweinydd Plaid Cymru, Leanne Wood, wedi cyhuddo Llywodraeth Cymru o ddefnyddio dadl “gwbl ddideimlad” i gyfiawnhau torri grantiau gwisg ysgol.

Bellach mae wedi dod i’r amlwg bod Llywodraeth Cymru wedi dileu grant £700,000 fu’n helpu teuluoedd tlawd i brynu gwisgoedd ysgol.

Eu cyfiawnhad nhw yw bod cost gwisg ysgol wedi disgyn a’i bod yn haws cael gafael arnyn nhw erbyn hyn. Hefyd maen nhw’n nodi bod ysgolion wedi’i hannog i gadw’r costau’n isel.

“Am swm gymharol fychan o arian, mae miloedd o’r teuluoedd mwyaf difreintiedig yng Nghymru yn derbyn cefnogaeth gwbl hanfodol,” meddai Leanne Wood.

“Mae defnyddio’r ddadl bod cost gwisg ysgol wedi gostwng yn gwbl ddideimlad, wrth gofio fod teuluoedd sydd yn dioddef yn ariannol wedi gorfod talu’r pris yn sgil llymder, toriadau a newidiadau i’r systemau lles a chredydau treth.”

Llythyr

Gan ymateb i’r cyhoeddiad, mae Leanne Wood wedi ysgrifennu at yr Ysgrifennydd Addysg, Kirsty Williams, i herio’r penderfyniad.

“Yng Nghymru yn 2018 ni ddylai unrhyw blentyn ddioddef yr anghyfforddusrwydd corfforol neu ddiffyg urddas sy’n gallu deillio o’r fath sefyllfa,” meddai Leanne Wood.

Ymateb Kirsty Williams

Dywedodd llefarydd ar ran Llywodraeth Cymru: “Mae Ysgrifennydd y Cabinet dros Addysg yn llwyr ymwybodol o effeithiau cynnu ariannol  a dyna pam mae hi wedi cynyddu’r cymorth ar gyfer y disgyblion mwyaf difreintiedig i £93.7m.

“Ar draws y Llywodraeth, mae arian i Lywodraeth Leol wedi ei flaenoriaethu er mwyn i adnoddau fynd yn syth at y rheng flaen i gefnogi ysgolion. Roedd dod a’r cynllun hwn, a ariennir yn ganolog, i ben yn rhan o’r broses honno. Rydym yn falch fod nifer o gynghorau eisoes wedi cadarnhau byddant yn parhau â’r cynllun.

“I gefnogi holl deuluoedd, nid dim ond y rheini a phlant ym mlwyddyn 7, mae Ysgrifennydd y Cabinet dros Addysg yn ystyried ffyrdd ymarferol o gadw cost gwisg ysgol yn isel, gan gynnwys cyflwyno  canllawiau statudol.”

“Roedd Aelodau’r Cynulliad wedi cael cyfle i graffu a phleidleisio ar y materion hyn pan gyhoeddwyd setliad Refeniw Llywodraeth Leol y llynedd”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?