Galw am ailgyflwyno grantiau i ddiogelu henebion

Diweddarwyd am  
Adeilad y Senedd, Bae Caerdydd

Y Senedd

Llun: golwg360

Dylai corff cadwraeth Llywodraeth Cymru ailddechrau dyfarnu grantiau i berchnogion adeiladau hanesyddol sydd mewn perygl o ddadfeilio.

Dyna yw un o’r argymellion sydd i’w weld yn adroddiad diweddaraf y Pwyllgor Diwylliant, y Gymraeg a Chyfathrebu, sydd wedi ei gyhoeddi heddiw.

Am gyfnod bu corff Cadw yn dyfarnu grantiau i berchnogion adeiladau rhestredig a henebion cofrestredig gyda’r nod o’u hatal rhag dirywio.

Ond, cafodd y rhaglen ei hatal, yn ôl y pwyllgor, oherwydd ansicrwydd ariannol. A bellach mae’r Aelodau Cynulliad yn dadlau bod yr amgylchiadau wedi newid a bod lle i ailgyflwyno’r cynllun.

Amgylchedd hanesyddol

Nod adroddiad y pwyllgor oedd craffu ar effaith Deddf yr Amgylchedd Hanesyddol (Cymru) – deddf sy’n rhoi mwy o ddiogelwch i safleoedd hanesyddol yng Nghymru.

A daw’r Aelodau Cynulliad i’r casgliad bod “cynnydd calonogol” wedi bod yn ei sgil, a’i fod yn “gweithio yn unol â’r bwriad”.

“Yn gyffredinol, credwn fod cynnydd rhesymol wedi’i wneud ers i Ddeddf yr Amgylchedd Hanesyddol gael ei phasio, ond mae’n bwysig bod y momentwm hwnnw’n cael ei gynnal,” meddai Cadeirydd y Pwyllgor, yr Aelod Cynulliad, Bethan Sayed.

Argymhellion

Ymhlith 16 o argymhellion y pwyllgor mae:

  • Argymhelliad bod Cadw yn gweithio â’r Ymddiriedolaeth Genedlaethol a chyrff eraill, er mwyn cyflwyno dulliau ecogyfeillgar.
  • Argymhelliad bod swyddogion yn cadw llygad ar y rhestr statudol o enwau lleoedd hanesyddol, er mwyn sicrhau bod y rhestr yn effeithiol ac yn cael ei diogelu.

Ymateb Llywodraeth Cymru

“Rydym yn croesawu’r adroddiad yma, sydd yn cydnabod ein gwaith caled wrth amddiffyn safleoedd treftadaeth a hanesyddol Cymru,” meddai llefarydd ar ran Llywodraeth Cymru.

“Wnawn ni ystyried cynnwys yr adroddiad yn llawn, ac ymateb yn ffurfiol yn ôl yr arfer.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones