Ailenwi ail Bont Hafren “yn deyrnged addas” i’r Tywysog Charles

Diweddarwyd am  

Charles, Tywysog Cymru

Llun: Arnaud Bouissou CC0 trwy Gomin Wicimedia

Mi fydd yr ail bont dros afon Hafren yn cael ei hailenwi’n ‘Bont Tywysog Cymru’, a hynny er mwyn nodi pen-blwydd mab hynaf y Frenhines yn 70 oed ym mis Tachwedd eleni.

Fe fydd y bont, a gafodd ei hagor gan y tywysog yn 1996, hefyd yn dynodi 60 mlynedd ers ei enwi’n Dywysog Cymru pan oedd yn 10 oed a Gemau’r Ymherodraeth Brydeinig a’r Gymanwlad yn cael eu cynnal yng Nghaerdydd.

Fe gafodd ei arwisgo yng Nghaernarfon ar Orffennaf 1, 1969, ac yntau ar drothwy ei ben-blwydd yn 21 oed.

Daw’r cyhoeddiad diweddaraf hwn hefyd yn ystod y flwyddyn pan fydd Llywodraeth Prydain yn diddymu’r tollau ar y bont.

“Teyrnged addas”

Yn ôl Ysgrifennydd Gwladol Cymru, Alun Cairns, mae’r ailenwi hwn yn “deyrnged addas” i’r Tywysog Charles, sydd “wedi rhoi degawdau o wasanaeth ffyddlon i Gymru”.

“Mae ailenwi un o’n mannau mwyaf eiconig yn ffordd addas o gydnabod yn swyddogol ei ymrwymiad a’i ffyddlondeb i Gymru a’r Deyrnas Unedig fel Tywysog Cymru,” meddai.

“Rydyn ni’n edrych ymlaen i ddynodi’r achlysur mewn digwyddiad arbennig yn ddiweddarach eleni pan fydd Pont Tywysog Cymru a’i chwaer-bont yn cael eu gweld fel symbolau positif o’r bartneriaeth economaidd a chymdeithasol newydd rhwng de Cymru a de-orllewin Lloegr, ynghyd â chryfder y Deyrnas Unedig.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019