Gwahardd hysbyseb am daith £1 o Aberystwyth i Birmingham

Diweddarwyd  
Bws mini

Llun: LDV

Mae cwmni Megabus wedi cael ei wahardd rhag arddangos hysbysebion sy’n awgrymu bod ganddyn nhw deithiau sydd mor rhad â £1.

Roedd neges ar wefan a chyfrif Facebook y cwmni yn awgrymu bod ganddyn nhw deithiau rhwng Aberystwyth a Birmingham, a Llundain a Bath, oedd mor isel â phunt.

Wedi i’r negeseuon yma gael eu postio, fe gwynodd dau unigolyn, gan ddweud nad oedd y cwmni’n darparu tocynnau mor rhad â hynny mewn gwirionedd.

Fe ddaeth hi’n glir mai dim ond 4% o docynnau Aberystwyth i Birmingham oedd ar gael am £1, ac yn ôl yr Awdurdod Safonau Hysbysebu (ASA) roedd yr hysbyseb yn gamarweiniol i gwsmeriaid.

Megabus

“Rydym wedi darparu prisiau clir a gonest i bob un o’n cwsmeriaid erioed. Mae hynna’n cynnwys miloedd o bobol sydd wedi manteisio ar y dêl £1,” meddai llefarydd ar ran Megabus.

“Er y byddwn yn parhau i ddarparu seddi mor rhad ag £1, mi fyddwn yn mynd ati i gydymffurfio ag argymhellion yr ASA.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?