Hen safle Ysgol Dyffryn Teifi ar werth mewn tri darn

Diweddarwyd  

Hen safle Ysgol Dyffryn Teifi

Llun: golwg360

Mae Cyngor Sir Ceredigion wedi cyhoeddi y bydd safle hen Ysgol Dyffryn Teifi’n cael ei roi ar werth ar y farchnad agored mewn tri darn.

Daw hyn ar ôl i’r grŵp cymunedol, Plant y Dyffryn, a oedd wedi gobeithio prynu’r safle a’i throi’n ganolfan gymunedol, fethu â chodi digon o arian ar gyfer ei phrynu’n gyfan.

Fe gaeodd Ysgol Dyffryn Teifi, sydd ynghanol tref Llandysul, ei drysau am y tro olaf yn 2016, a hynny ar ôl i Ysgol Bro Teifi, sy’n ysgol ar gyfer plant rhwng 3 a 18, agor gerllaw.

Ac yn dilyn cyfarfod heddiw (dydd Mawrth, Mawrth 27), mae Cabinet Cyngor Sir Ceredigion wedi penderfynu y bydd safle’r hen ysgol yn cael ei rhannu’n dri darn ar y farchnad agored, wrth iddyn nhw obeithio y bydd hyn o fantais i ddiddordeb sydd eisoes wedi cael ei mynegi yn y safle gan sefydliadau a chwmnïau eraill.

Ysgol Dyffryn Teifi yn “ganolbwynt” 

“Roedd Ysgol Dyffryn Teifi yn ganolbwynt i Landysul a’r ardal ehangach am amser hir,” meddai’r Cynghorydd Gareth Lloyd, yr Aelod Cabinet dros Ddatblygu Economaidd a Datblygu Cymunedol.

“Mewn penderfynu rhannu’r safle mewn i dri darn, dw i’n gobeithio y gellir eu gwerthu a gall y safle unwaith eto fod yn ganolbwynt i’r gymuned leol a chefnogi busnesau lleol.”

Os na fydd y tri darn unigol yn llwyddo i gael eu gwerthu ar ôl cyfnod rhesymol, mae’r Cyngor yn dweud y byddan nhw’n ystyried dymchwel neu symud rhai o’r adeiladau ar y safle er mwyn lleihau’r costau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?