Mae is-reolwr newydd tîm pêl-droed Cymru, Albert Stuivenburg wedi addo dysgu Hen Wlad Fy Nhadau erbyn dechrau cystadleuaeth Cwpan Tsieina.
Mae’r twrnament yn dechrau ddydd Iau, wrth i Gymru herio’r tîm cartref yn y gêm gyntaf.
Ac mae’r is-reolwr wedi bod yn cael gwersi gan Osian Roberts, sydd hefyd wedi’i gadarnhau fel aelod o dîm hyfforddi Ryan Giggs.
‘Her fawr’
Mewn fideo ar dudalen Twitter Cymdeithas Bêl-droed Cymru, dywedodd Albert Stuivenburg y byddai dysgu ychydig o Gymraeg yn “her fawr” ond ei fod yn “edrych ymlaen”.
“Dw i wedi gofyn i gydweithwyr roi fideo i fi o’r anthem genedlaethol, y geiriau a sut mae eu hynganu nhw oherwydd dyna’r her fawr yn yr achos yma, ond mae ffordd bell i fynd cyn Tsieina a galla i weithio ar hynny, ac mae gyda fi’r athro gorau wrth fy ochr.”
Ychwanegodd Osian Roberts, “Dw i’n hyderus y bydd o’n barod erbyn y gêm gyntaf.”
🏴 GWLAD! GWLAD! @Cymru Assistant Coach, Albert Stuivenburg is looking forward to learning Hen Wlad Fy Nhadau with @Osian_Roberts his tutor.#TogetherStronger
— FA Wales (@FAWales) March 17, 2018