Buddsoddiad o £4m yn Tata Steel, i hyfforddi gweithwyr

Diweddarwyd am  
Y ffwrnais yn y nos

Ffwrnais ym Mhort Talbot

Llun parth cyhoeddus

Fe fydd buddsoddiad gwerth £4m yn cael ei roi i Tata Steel, yn ôl Llywodraeth Cymru.

Yn dilyn ymweliad â safle’r cwmni ym Mhort Talbot heddiw (Mawrth 13), fe gyhoeddodd Carwyn Jones y byddai £4m yn cael ei roi i’r cwmni er mwyn eu galluogi i ddarparu prosiectau hyfforddi i’w gweithwyr.

Nod y prosiectau hyn yw cryfhau sgiliau craidd y gweithwyr, a’u helpu i ddatblygu technegau gweithgynhyrchu a pheirianneg.

Mae’r cyrsiau’n cael eu cynnig mewn ymgais i wella effeithlonrwydd a chynyddu cynhyrchiant y cwmni, a hynny er mwyn iddo fod yn fusnes mwy cystadleuol o fewn y diwydiant dur.

“Ymrwymiad llwyr” i Tata Steel

“Mae Tata Steel wedi gwneud ymrwymiad sylweddol i gyflwyno rhaglen amrywiol iawn o brosiectau hyfforddi penodol ar draws pob safle yng Nghymru,” meddai Carwyn Jones.

“Mae’r buddsoddiad rwy’n ei gyhoeddi heddiw yn dangos ein hymrwymiad llwyr i’r cwmni wrth ddatblygu’r agenda uchelgeisiol hon.”

“Hynod o falch”

Yn ôl llefarydd ar ran Tata Steel wedyn, maen nhw’n “hynod o falch” bod Llywodraeth Cymru unwaith yn rhagor wedi cydnabod pwysigrwydd hyfforddi a gwella sgiliau gweithwyr.

“Mae dros 80% o’n gweithwyr yng Nghymru wedi elwa’n uniongyrchol o hyfforddiant mewn meysydd fel iechyd a diogelwch, busnes a rhagoriaeth cynnal a chadw yn ogystal â llu o feysydd eraill, diolch i gyllid Llywodraeth Cymru.

“Mae hyn yn caniatáu i ni sicrhau bod modd i’n gweithwyr wneud mwy, sydd yn ei dro yn golygu eu bod mewn gwell sefyllfa i gefnogi holl economi Cymru.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed