Isafbris alcohol “ddim yn ateb syml”, yn ôl pwyllgor y Cynulliad

Diweddarwyd am  

Nid yw isafswm ar bris alcohol yn “ateb syml” wrth fynd i’r afael â’r niwed mae alcohol yn ei achosi, yn ôl un o bwyllgorau’r Cynulliad.

Er bod y Pwyllgor Iechyd, Gofal Cymdeithasol a Chwaraeon yn croesawu bwriad Llywodraeth Cymru i gyflwyno isafbris, maen nhw hefyd yn “pryderu” y gall rheoleiddio o’r fath gael effaith negyddol ar yfwyr dibynnol, gan wthio rhai tuag at sylweddau eraill sy’n fwy niweidiol.

Daw hyn ar ôl i ddefnyddwyr canolfan adfer alcohol ddweud wrth y Pwyllgor na fyddai prisiau uwch o reidrwydd yn eu rhwystro rhag yfed, ac efallai eu hannog i droi at ddewisiadau eraill.

Er hyn, mae Llywodraeth Cymru’n mynnu bod yr isafbris ddim wedi’i anelu at y rheiny sy’n gaeth i alcohol yn barod, ond yn hytrach tuag at y rheiny sy’n yfwyr peryglus a niweidiol ac yn yfed mwy na’r hyn sy’n cael ei argymell

“Rhai pryderon”

“Mae gennym rai pryderon ynghylch canlyniadau anfwriadol, gan gynnwys y posibilrwydd o yrru yfwyr trwm tuag at ymddygiadau eraill sy’n effeithio’n negyddol ar eu hiechyd, gan gynnwys dargyfeirio arian oddi wrth fwyd er mwyn prynu alcohol neu amnewid alcohol am sylweddau anghyfreithlon, heb eu rheoleiddio,” meddai Dai Lloyd, Cadeirydd y Pwyllgor.

“Nid ydym wedi ein hargyhoeddi chwaith gan safbwynt Llywodraeth Cymru na fydd y Bil hwn yn effeithio ar yfwyr trwm ac alcoholigion.

“Rydym yn ystyried y Bil hwn yn rhan o becyn ehangach o fesurau sydd eu hangen i leihau niwed sy’n gysylltiedig ag alcohol yng Nghymru.”

Yr isafbris

Bwriad Llywodraeth Cymru yw cyflwyno isafbris o 50c ar bob uned o alcohol.

Yn ôl adroddiad adroddiad a gafodd ei gyflwyno i Lywodraeth Cymru’n ddiweddar gan Grŵp Ymchwil Alcohol ym Mhrifysgol Sheffield, mae poblogaeth Cymru’n prynu 50% o’u halcohol am lai na 55c yr uned.

Roedd hefyd yn dangos bod tri chwarter o’r holl alcohol yng Nghymru’n cael ei yfed gan y 22% o oedolion sy’n yfwyr peryglus a niweidiol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?