Rap am Hedd Wyn yn ennill Cân i Gymru 2018

Diweddarwyd am  

Erfyl Owen gyda thlws Cân i Gymru 2018 a’r cyflwynwyr Trystan Ellis Morris ac Elin Fflur.

Llun gan S4C.

Cân – a rap – yn clodfori Bardd y Gadair Ddu sydd wedi ennill gwobr Cân i Gymru 2018.

Aeth wyth cân benben am y wobr o £5,000 neithiwr, ac yn y diwedd Erfyl Owen a’i gân ‘Cofio Hedd Wyn’ aeth â hi.

Mi fydd cân y cyfansoddwr o bentref Rhewl, ger Rhuthun, yn cynrychioli Cymru yn yr Ŵyl Pan Geltaidd yn Iwerddon.

Cafodd y gystadleuaeth ei darlledu’n fyw ar S4C o ganolfan Pontio ym Mangor, gydag Elin Fflur a Trystan Ellis Morris yn cyflwyno.

Ail a thrydydd

Yn ail ar y noson, ac yn ennill gwobr o £2,000, roedd y gân ‘Byw a Bod’ gan Mared Williams  sy’n canu yn y band Trwbz. A’r gân a ddaeth yn drydydd, gan ennill wobr o £1,000, oedd ‘Tincian’ gan Bethan Williams Jones a Sam Humphreys sy’n aelodau o’r band gwerin ffynci Calan.

Cafodd 114 o ganeuon eu hanfon i’r gystadleuaeth, a’r cerddorion Al Lewis, Heledd Watkins a Dewi ‘Pws’ Morris oedd aelodau’r panel wnaeth ddewis yr wyth yn y ffeinal.

Cwyno am Saesneg

Ymysg y perfformwyr roedd Gary ‘Ragsy’ Ryland, sy’n adnabyddus am ymddangos ar raglen The Voice ac sy’n dysgu siarad Cymraeg.

Ar ôl perfformio cân o’r enw ‘Ti’n Frawd i Mi’, cafodd ei gyfweld gan y cyflwynydd Trystan Ellis Morris, a drodd i’r Saesneg i siarad gyda Ragsy.

Bu i hynny hyn ennyn tipyn o ymateb ar Twitter, gyda gwylwyr yn canmol Ragsy am ymdrechu â’r Gymraeg ac yn beirniadu’r cyflwynydd am droi i’r Saesneg.

“Oh Trystan Trystan siarad yn saesneg gyda Ragsy sy trio ei ore i siarad Cymraeg :-/,” meddai Nia Llywelyn.

“Siarada Gymraeg efo Ragsy … Parcha’r dysgwyr” meddai Haydn Hughes.

“Da iawn Ragsy am ymateb yn Gymraeg pan nath Trystan gorfod troi i’r Saesneg,” meddai John Derek Rees.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?