Gwersi Cymraeg wedi’u trefnu ar gyfer ffoaduriaid y brifddinas

Diweddarwyd  

Ieithoedd

Llun: CC0 oddi ar wefan www.pixabay.com

Mae Prifysgol Caerdydd wedi dechrau menter newydd a fydd yn galluogi ffoaduriaid sy’n byw yn y brifddinas i ddysgu Cymraeg.

Mae’r gwersi Cymraeg yn cael eu trefnu mewn partneriaeth rhwng y brifysgol a Chyngor Ffoaduriaid Cymru, ac fe fydden nhw’n cael eu cynnal mewn sawl lle yn y ddinas.

Y nod yw cyflwyno bywyd a diwylliant Cymraeg a Chymreig i’r rheiny sy’n dod i Gymru o dramor, lle bydd yr iaith yn cael ei dysgu mewn modd anffurfiol fel rhan o ddigwyddiadau cymdeithasol.

“Wedi cael llawer o ddiddordeb”

Yn ôl un o’r tiwtoriaid, Matt Spry, sy’n ddysgwr ei hunan, mae dysgu Cymraeg yn cynnig “ystod enfawr o fanteision”, ac yn helpu pobol syn symud ir brifddinas “ddod yn rhan o’r gymuned”.

“Rydyn ni wedi gweld llawer o ddiddordeb gan ffoaduriaid sydd am fanteisio ar y dosbarthiadau,” meddai.

“Mae pob un ohonyn nhw’n awyddus i gofleidio diwylliant Cymru a chreu gwreiddiau go iawn yn y ddinas wych yma.

“Bydd y gwersi hyn yn siŵr o gael effaith enfawr ar y rhai sy’n cymryd rhan.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed