“Rhaid cynnal refferendwm arall ar Brexit” medd Arglwydd Adonis

Diweddarwyd am  

Andrew Adonis

Llun; Cicero Group ar Flickr

Mae’n rhaid i ni fynd ati i stopio Brexit trwy gynnal refferendwm. Dyna yw safbwynt Arglwydd o Loegr a fydd yn ymweld â gogledd Cymru ddiwedd yr wythnos hon.

Ers dechrau mis Chwefror, mae’r Arglwydd Andrew Adonis wedi bod ar daith o gwmpas gwledydd Prydain wnaeth pleidleisio o blaid gadael yr Undeb Ewropeaidd.

Y penwythnos hwn, fe fydd yn ymweld â Chaergybi a Llandudno gyda neges benodol, sef bod angen gwrthwynebu Brexit trwy “ddulliau democrataidd”.

“Mae democratiaeth yn gofyn bod refferendwm yn cael ei gynnal ar y cytundeb [Brexit],” meddai wrth golwg360.

“Ddwy flynedd yn ôl pan oedd pobol yn pleidleisio ar egwyddor Brexit, doedd dim posib iddyn nhw wybod beth oedd telerau Brexit, oherwydd doedd na ddim telerau. Yr oll oedd ganddyn nhw oedd addewidion, ac mae wedi dod i’r amlwg mai celwyddau oedd llawer o’r rhain.

“Mae pobol yn agor eu llygaid i’r ffaith nad oes modd gwireddu’r addewidion cafwyd eu cynnig dwy flynedd yn ôl,” meddai wedyn.

“Dyna pam mae’n rhaid cynnal refferendwm, oherwydd un peth yw cynnig cyfres o addewidion i bobol, a gofyn a hoffen nhw eu cael. Peth arall yw dod wyneb yn wyneb â realiti oeraidd Brexit.”

Ail refferendwm?

Mae’n mynnu nad “ail refferendwm” fyddai hwn fel y cyfryw – gan nodi y byddem yn pleidleisio mewn cyd – destun gwahanol, ac yn galw ar bobol i “weithredu” i sicrhau y bydd yn cael ei gynnal.

Mae Andrew Adonis yn rhagweld y bydd “argyfwng seneddol” yn taro San Steffan ym mis Hydref pan fydd Theresa May yn dychwelyd o Frwsel â’i chytundeb – a dyna pryd fydd barn y cyhoedd yn newid go iawn, meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed