Teyrngedau i’r actor Trefor Selway

Diweddarwyd  
Trefor Selway

Trefor Selway ar faes Eisteddfod Genedlaethol Ynys Môn 2017

Llun: Karen Owen / golwg360

Mae teyrngedau wedi’u rhoi i’r actor Trefor Selway yn dilyn ei farwolaeth yn 86 oed.

Roedd yn athro ac yn brifathro, yn actor amlwg ar lwyfan a theledu, ac yn ffigwr blaenllaw yn nyddiau cynnar y theatr Gymraeg.

Roedd o a’i ddiweddar frawd, Alwyn, wedi’u magu ym Mhen-y-groes, Dyffryn Nantlle, cyn iddo symud i Eglwysbach, Dyffryn Conwy, lle treuliodd y rhan helaethaf o’i oes.

Ar y sgrîn, roedd yn fwyaf adnabyddus am chwarae’r cymeriad Evan yn y gyfres Hafod Haidd (1998), ac am ei ran yn y ffilm Oed yr Addewid (2002) yn y Gymraeg, a Storms of Justice (1988) a Wild Justice (1994) yn Saesneg.

Roedd hefyd wedi bod yn y cyfresi Palmant Aur ac A Mind To Kill.

Fe gollodd Trefor Selway ei olwg yn ystod ei flynyddoedd olaf, ond fe gofleidiodd dechnoleg fodern ar ei gyfrifiadur a oedd yn ei alluogi i ddarllen negeseuon a mathau eraill o destun.
Mae’n gadael Liz, ei weddw; ei ferch, Alwen; ei wyres, Catherine; a dwy or-wyres, Harper ac Olivia. Bu farw ei fab, Owain, mewn tân yn 2005.

Teyrngedau

Mae teyrngedau’n dechrau ymddangos ar wefan gymdeithasol Twitter.

Dywedodd cyd-gyfarwyddwr Ysgol Glanaethwy, Cefin Roberts:

Ac fe ddaeth y neges hon gan y telynor Dylan Cernyw:

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019