Theatr yn cau tros iechyd a diogelwch

Diweddarwyd am  
Plant yn swatio dan flancedi yn y Theatr

Neges Facebook ar dudalen Facebook ymgyrch achub y theatr yn dangos rhai o’r problemau

Llun o dudalen Facebook yr ymgyrch i ahcub y Theatr

Mae un o brif theatrau cefn gwlad Cymru yn cau ar unwaith oherwydd problemau iechyd a diogelwch.

Ac, ar hyn o bryd, does dim argoel y bydd Theratr Ardudwy Harlech yn ailagor oherwydd yr holl drafferthion ynglŷn â’r safle.

Fe gyhoeddodd Bwrdd Theatr Ardudwy yn Harlech a’r landlord – Addysg Oedolion Cymru – y bydd yr awditoriwm a safle’r theatr yn cau ar unwaith oherwydd iechyd a diogelwch.

‘Cwbl angenrheidiol’

“Yn sgil amodau sy’n dirywio yn y cyfleusterau a’r adeilad – a’r problemau iechyd a diogelwch sy’n dod i’r amlwg o ganlyniad – rydym bellach wedi cytuno â’n landlord, Addysg Oedolion Cymru | Adult Learning Wales, i gau’r awditoriwm hyd y gellir rhagweld,” meddai Ben Ridler, Cadeirydd y Bwrdd.

“Diogelwch sydd bennaf bob amser ac mae pawb ynghlwm yn cydnabod bod hwn yn gam arwyddocaol ond cwbl angenrheidiol.”

Oherwydd fod ansicrwydd am ddyfodol tymor hir adeiladau Coleg Harlech – lle mae’r theatr –  mae’n dweud nad yw hi ddim yn bosib gwneud y gwaith iechyd a diogelwch angenrheidiol.

‘Problemau difrifol’

Mae “problemau difrifol” wedi dod i’r amlwg ynglŷn ag adeilad y theatr, yn ôl Prif Weithredwr Addysg Oedolion Cymru, Kathryn Robson – yn enwedig gyda’r to.

“Mae costau’r atgyweiriadau helaeth y mae eu hangen yn gostau na allwn ni na Theatr Ardudwy fforddio’u talu ar hyn o bryd,” meddai.

Mae tudalen Facebook yr ymgyrch i achub y Theatr yn dangos plant yn swatio dan flancedi er mwyn gwylio pantomeim yno.

Fe fydd Addysg Oedolion Cymru yn trafod dyfodol yr awditoriwm gyda’r Bwrdd ac yn ystyried lle i gynnal dosbarthiadau addysg oedolion sydd wedi bod yn cael eu cynnal yn adeiladau’r theatr.

Un o’r syniadau ar gyfer dyfodol Coleg Harlech yw gwesty.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed