Horizon – ‘Gwarchod bywyd gwyllt yw’r nod’

Diweddarwyd  
Amlinell o adeilad yn erbyn tir agored

Logo’r cynllun

Llun: o wefan Horizon

“Helpu i ddiogelu a gwarchod bywyd gwyllt Ynys Môn” – dyna yw bwriad cynllun gwlyptir Horizon, yn ôl llefarydd ar ran y cwmni.

Daw’r sylw yn ymateb i’r honiad gan fudiad ymgyrchu PAWB (Pobol Atal Wylfa B) mai cam “sinigaidd” yw cynllun y cwmni i ddatblygu cynefinoedd mewn rhannau eraill o’r ynys er mwyn gwneud iawn am ddifrodi Safle o Ddiddordeb Gwyddonol Arbennig gerllaw’r atomfa.

Mae gan gwmni Horizon gynlluniau ar y gweill i osod dau adweithydd ym Môn, ond mae’r cwmni’n mynnu bod ganddyn nhw “ymrwymiad sylfaenol i fod yn amgylcheddol gyfrifol”.

“Fel un o brosiectau adeiladu mwyaf Ewrop, rydyn ni’n ymwybodol iawn bod adeiladu a gweithredu gorsaf pŵer niwclear yn brosiect tymor hir sy’n cynnwys ei heriau a’i effeithiau ei hun,” meddai’r llefarydd.

“Fel rhan o’r gwaith hwn rydyn ni wedi bod yn gweithio’n agos gyda Chyngor Sir Ynys Môn a Chyfoeth Naturiol Cymru ar gynnig i greu ardaloedd newydd o wlyptir ar Ynys Môn yn ogystal â gwella rhai sydd eisoes yn bod.”

Cyfarfodydd cyhoeddus

Roedd y llefarydd hefyd yn gwadu honiad Dylan Morgan o fudiad PAWB fod y cwmni’n ofni wynebu pobol gyffredin mewn cyfarfodydd cyhoeddus.

Yn ôl y cwmni maen nhw wedi ymateb i wahoddiad i fynd i “nifer o gyfarfodydd cyhoeddus” i roi cyflwyniadau ac ateb cwestiynau.

“Rydyn ni wedi bod yn cynnal cymorthfeydd agored misol ers 2009, ac rydyn ni wedi ymgysylltu ag ymhell dros 1000 aelod o’r cyhoedd yn y digwyddiadau hyn,” meddai’r llefarydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones