‘Rhaid gwneud mwy i atal paratoi plant am ryw’

 
Cartwn o ddyn yn cwrdd a merch fach

Rhan o sgrin o fideo animeiddiedig i rybuddio plant am beryglon y We

Llun: O fideo ymgyrchu gan yr NSPCC

Mae pennaeth elusen blant yng Nghymru wedi galw am fwy o weithredu ar ôl i 136 o droseddau ‘cysylltu’n rhywiol gyda phlentyn’ gael eu cofnodi o fewn chwe mis cynta’ deddf newydd.

Ond, yn ôl Des Mannion, Pennaeth NSPCC Cymru, mae angen gwneud mwy na dibynnu ar yr heddlu i atal y broblem.

Mae’n dweud bod gan y cwmnïau technoleg y gallu eisoes i weithredu ac y dylai Llywodraeth y Deyrnas Unedig gyflwyno cod newydd  a rheoleiddiwr swyddogol i orfodi gwefannau cymdeithasol i warchod defnyddwyr ifanc.

Os na fydden nhw’n gwneud hynny, fe ddylen nhw gael eu cosbi, meddai Des Mannion mewn llythyr agored i’r wasg.

Y ffigurau yng Nghymru

Dim ond ym mis Ebrill 2017 y daeth deddf i rym sy’n ei gwneud yn anghyfreithlon i gysylltu gyda phlentyn mewn ffordd rywiol – cyn hynny doedd dim modd i’r heddlu ymyrryd nes bod y troseddwyr a’r plant yn cwrdd.

Erbyn Hydref 2017, roedd 136 o droseddau wedi dod i sylw’r heddlu yng Nghymru gyda rhai o’r plant mor ifanc â saith oed.

Dyma’r ffigurau fesul heddlu:

De Cymru            74

Gogledd Cymru  23

Gwent                  20

Dyfed-Powys      19

Yn ôl Des Mannion, maen angen gwneud mwy yn awr i atal y ‘paratoi rhywiol’ – grooming – rhag digwydd yn y lle cynta’, yn hytrach na dibynnu ar yr heddlu i weithredu wedyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones