Apêl damwain Llandeilo er mwyn ceisio adnabod “dynes â sawl enw”

 

Llun: Heddlu

Mae heddlu’n apelio am wybodaeth am ddynes, 58, a fu farw yn dilyn gwrthdrawiad ar y ffordd rhwng Llandeilo a Thalyllychau ddiwedd Ionawr.

Y gred yw fod y wraig wedi’i tharo gan gar wrth gerdded ar hyd ymyl y B4302 yn New Inn, tua 6yh ar Ionawr 29.

Mae wedi dod i’r amlwg bod gan y ddynes sawl enw – gan gynnwys Pasqual Lorentz a Gwendy Elizabeth Tolley – a bod ganddi gysylltiadau â Birmingham a Llundain.

Ond, hyd yma, mae Heddlu Dyfed Powys wedi methu â chael gafael ar ei theulu er mwyn eu hysbysu ynglyn â’r ddamwain, a bellach maen nhw wedi lansio apêl am ragor o wybodaeth.

Cyfrifoldeb

“Mae’r sefyllfa hon yn un drist, ac er bod y newyddion yn amhleserus, mae gennym gyfrifoldeb i geisio sicrhau ein bod yn dod o hyd i berthynas er mwyn eu hysbysu,” meddai llefarydd ar ran y llu.

“Roedd llawer yn yr ardal leol yn ei nabod, ond mi roedd hi’n byw ar ei phen ei hun, a doedd ganddi ddim perthnasau oedd yn byw’n lleol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed