Defnyddio ceir gweinidogion i gludo dogfennau yn “wastraff”

Diweddarwyd am  

Nwyon egsost

Llun: Ruben de Rijcke CC 2.0 trwy Flickr

Mae wedi dod i’r amlwg bod ceir gweinidogion y llywodraeth wedi gwneud dros 100 o deithiau i gludo dogfennau yn unig dros y ddwy flynedd ddiwethaf.

Mae Cais Rhyddid Gwybodaeth gan y Ceidwadwyr Cymreig yn dangos bod ceir sy’n cael eu defnyddio fel arfer i gludo gweinidogion Llywodraeth Cymru o un lle i’r llall, wedi cael eu defnyddio i gludo dogfennau 53 o weithiau yn 2015.

Yn 2016, cafodd y ceir eu defnyddio 29 o weithiau i hebrwng dogfennau ac yn 2017, roedd y ffigwr i lawr i 27.

Yn ôl Llywodraeth Cymru, mae’r ceir yn cael eu defnyddio weithiau i gludo dogfennau sensitif a chyfrinachol pan fo angen gwneud hynny ar frys.

Mae gan y Llywodraeth 12 car – Volvo saloons – ac mae’n cyflogi 12 gyrrwr – roedd hyn ar gost o £836,000 rhwng 2016/17 a 2017/18.

Yn ôl y Ceidwadwyr, fe fydden nhw’n cael gwared ar y ceir gweinidogol ac yn annog defnydd o drafnidiaeth gyhoeddus.

Dywedodd Janet Finch-Saunders AC dros Aberconwy, fod defnyddio’r ceir at bwrpas cludo dogfennau yn “wastraffus ac yn sarhad i’r trethdalwr.”

“Hyd y gwn i, mae holl aelodau cabinet Llywodraeth Cymru yn gallu defnyddio e-byst ac yn gallu gyrru, mynd ar gefn beic neu ddefnyddio trafnidiaeth gyhoeddus, felly does dim esgus am y math yma o ymddygiad esgeulus,” meddai.

Angen cludo “papurau cyfrinachol”

Dywedodd llefarydd ar ran Ysgrifennydd Parhaol y Llywodraeth fod angen i “weinidogion gael eu diogelu wrth ymgymryd â’u dyletswyddau cyhoeddus ac mae teithio mewn ceir swyddogol gyda gyrwyr proffesiynol yn lleihau risg diogelwch”.

“Yn aml, mae disgwyl i weinidogion fynd i sawl digwyddiad mewn un diwrnod. Yn ystod y teithiau hyn, mae gweinidogion yn parhau i weithio ac maen nhw’n cael mynediad at wybodaeth gyfrinachol, gallan nhw ddim gwneud hyn ar drafnidiaeth gyhoeddus nac ar ffyrdd eraill o deithio.

“Mae ceir gweinidogol yn cael eu defnyddio weithiau i ddelifro papurau sensitif a chyfrinachol i weinidogion pan fo angen gwneud hynny ar frys. Mae defnydd ceir y Llywodraeth at y pwrpas hwn yn parhau i ddisgyn bob blwyddyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed