Draenogod yn achos dadl bigog rhwng ffermwyr ac ymgyrchwyr

Diweddarwyd  
Dau ddraenog yn bwydo o bowlen

Draenogod mewn gardd

Llun: parth cyhoeddus

Mae Undeb Amaethwyr Cymru (FUW) wedi cyhuddo cyrff cadwraeth o anwybyddu effaith moch daear ar ddraenogod – ac o drin ffermwyr fel “bwch dihangol” am ddirywiad yn eu niferoedd nhw.

Maen nhw wedi ymateb yn gryf i adroddiad sydd wedi ei gyhoeddi heddiw, gyda Chymdeithas Cadwraeth Draenogod Prydain yn nodi fod niferoedd y creadur wedi haneru yng nghefn gwlad ers 2000.

Maen nhw’n rhoi tipyn o’r bai ar newid mewn dulliau ffermio ac ar leihad mewn gwrychoedd a chloddiau, ond mae’r ffermwyr yn beio moch daear.

Barn y ffermwyr

“Trwy anwybyddu’r gwirionedd amhleserus bod moch daear yn bwyta draenogod … a thrwy drin ffermwyr fel bwch dihangol, mae cyrff cadwraeth yn gwneud anghymwynas â draenogod a chadwraeth,” meddai Llywydd Undeb Amaethwyr Cymru, Glyn Roberts.

Mae’n dadlau bod twf niferoedd moch daear wedi cael effaith “catastroffig” ar niferoedd draenogod, a bod “llawer o dystiolaeth wyddonol” am eu heffaith.

Barn y mudiad amgylchedd

“Mae yna sawl rheswm pam bod draenogod mewn trwbl,” meddai Emily Wilson, swyddog draenogod i fudiad Hedgehog Street.

“Amaethyddiaeth ddwysach sydd wedi arwain at lai o wrychoedd a glaswelltiroedd parhaol, caeau mwy, a defnydd o blaladdwr sydd yn lleihau’r nifer o ysglyfaethau sydd ar gael.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?