Cau siop fwyd deuluol olaf Llanbed

Diweddarwyd  

Siop J. H. Williams a’i Feibion

Llun: Golwg360

Mae un o fusnesau mwyaf adnabyddus tre’ Llanbed yng Ngheredigion wedi cau ei drysau am y tro olaf ddydd Sadwrn diwethaf, a hynny ar ôl 60 mlynedd o wasanaeth.

Cafodd y siop fwyd deuluol, J  H Williams, ei sefydlu yn 1958, pan brynodd John Howell a Margaret Williams fusnes a oedd eisoes ar y safle.

Ac ers dros hanner can mlynedd, mae’r busnes wedi bod yng ngofal y meibion, Alun ac Eifion Williams, a’i datblygodd i gynnwys siop lestri, siop nwyddau tŷ a siop bapur wal a phaent hefyd.

Ond er mai dim ond y siop fwyd y mae’r ddau wedi bod yn gyfrifol amdani dros y blynyddoedd diweddaraf, maen nhw wedi penderfynu rhoi’r gorau iddi ar ôl pendroni “ers tro”.

“Y rheswm ry’n ni’n cau yw oherwydd mae gen i ddau o blant a does dim diddordeb gyda nhw yn y siop, ac ry’n ni’n barod i ymddeol,” meddai’r brawd ieuengaf, Eifion Williams.

“Arferion siopa wedi newid”

Mae’r ddau frawd wedi gweld nifer o newidiadau mewn arferion siopa dros y degawdau, gyda’r newidiadau hynny’n effeithio ar sut mae’r stryd fawr yn Llanbed yn edrych heddiw.

“Pan ddechreuon ni yma yn niwedd y 50au, mi roedd yna, siŵr o fod, pymtheng i ddeunaw o siope yn gwerthu bwyd yn Llanbed,” meddai Eifion Williams eto.

“Ond nawr, fel alla’i  biti bod dweud mai ni yw’r un diwetha’, sy’n siop deulu sy’n gwerthu bwyd, oedd ar ôl ers sawl blwyddyn bellach.

“Yn Llanbed ar y cyfan, o feddwl am y trade yn gyfan gwbl, mae newidiade mawr wedi bod yn y siope…

“Mae lot o siope da’r dre’ wedi cau i lawr, ac mae’r dre wedi mynd yn fwy tawel, a sdim gyment o bobol yn dod o bant achos bod y siope da wedi cau.”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd