Cyfoeth yn ffactor wrth i bobol ddewis perthynas dymor byr

 

Mae cyfoeth yn gallu achosi pobol i ffafrio perthnasoedd tymor byr, yn ôl ymchwil newydd.

Mae’r ymchwil wedi ei gynnal gan yr adran Seicoleg ym Mhrifysgol Abertawe, lle bu 151 o wirfoddolwyr – 75 o ddynion a 76 o ferched – yn edrych ar luniau o 50 partner posib, cyn nodi a fyddai’n well ganddyn nhw gael perthynas hirdymor neu dymor byr â nhw.

Yna, rhoddwyd cyfres o luniau o’u blaenau a oedd yn cynnwys eitemau moethus – ceir cyflyn, gemwaith, plastai ac arian – cyn eu holi nhw eto i edrych ar luniau o bartneriaid posib gan ofyn iddyn nhw pwy yr hoffen nhw fod mewn perthynas â nhw.

Roedd mwy yn dewis partneriaid tymor byr ar ôl gweld y lluniau o bethau moethus, o gymharu â’r canlyniadau gwreiddiol – gyda chynnydd o tua 16%.

Newid amgylchiadau’n ffactor

Yn ôl Dr Andre G Thomas, arweinydd yr ymchwil, mae’r canlyniadau hyn yn dangos sut mae’r newid mewn amgylchiadau materol yn gallu pennu’r math o berthynas mae pobol yn ei ffafrio.

“Mae seicolegwyr esblygiadol yn credu bod hoffter pobl o berthynas hirdymor neu dymor byr yn dibynnu’n rhannol ar eu hamgylchiadau, megis pa mor anodd y gallai fod i fagu plant fel rhiant sengl,” meddai.

“Yn bwysig, pan fydd yr amgylchiadau hynny’n newid, disgwyliwn i bobol newid eu dewisiadau’n unol â hynny.

“Ar ôl i gyfranogwyr [yr ymchwil] dderbyn cliwiau bod gan yr amgylchedd lawer o adnoddau, daethant yn fwy tebygol o ddewis unigolion am berthynas tymor byr.”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019