Carcharu dyn am alwadau ffug i dimau achub mynydd

Diweddarwyd am  
Llys y Goron Caernarfon

Mae dyn ifanc o ogledd Lloegr wedi cael ei garcharu am wneud galwadau ffug i dimau achub mynydd yn Eryri.

Cafodd Michael Cuminskey, 23 oed o Stockton yn swydd Tyne and Wear ei ddedfrydu i 16 mis gan Lys y Goron Caernarfon ddoe.

Roedd wedi galw am gymorth y tîm achub mynydd ar 25 Mawrth 2016 gan honni bod dyn wedi syrthio wrth gerdded yn ardal Dinorwig. O ganlyniad i’r alwad, fe fu tîm achub mynydd Llanberis a hofrennydd gwylwyr y glannau wrthi’n chwilio.

Meddai Pc Gethin Jones o Heddlu Gogledd Cymru a fu’n ymchwilio i’r digwyddiad:

“Mae galwadau ffug yn peryglu bywydau ac yn gwastraffu adnoddau. Mae ymateb i alwadau brys yn tynnu sylw ac amser staff a gwirfoddolwyr oddi wrth argyfyngau go iawn. Yr amcangyfrif ydi bod y digwyddiad penodol hwn wedi costio dros £32,000 i’r pwrs cyhoeddus, sy’n anfaddeuol.”

Ychwanegodd y Dirprwy Brif Gwnstabl Gareth Pritchard:

“Mae’r llysoedd yn cymryd digwyddiadau fel hyn yn ddifrifol iawn a dw i’n gobeithio bod yr achos yma’n atgoffa’r rheini sy’n gwneud galwadau ffug o’r fath y byddwn ni’n gweithredu’n gadarn yn eu herbyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd