Dirgelwch y beirdd ar ymweliad y Tywysog Harry â Chaerdydd

Diweddarwyd  

Tywysog Harry a Meghan Markle

Llun: Dominic Lipinski/PA Wire

Fe fydd y Tywysog Harry a’i ddyweddi, Meghan Markle, yn rhan o “ŵyl ddiwylliannol Gymreig” yng Nghastell Caerdydd yr wythnos nesaf – ond does yna neb i weld yn gallu dweud wrth golwg360 pwy fydd y beirdd a’r cantorion y byddan nhw’n eu cyfarfod yn y brifddinas.

Mae Palas Kensington a Chastell Caerdydd wedi cadarnhau y bydd ymweliad ŵyr y Frenhines ddydd Iau, Ionawr 18, yn un lle y byddan nhw’n “dysgu mwy am ddiwylliant Cymru” ac am yr iaith Gymraeg.

Ac, fel rhan o “Wyl Ddiwylliannol Gymreig” fydd yn cael ei chynnal yn y Castell, meddir, fe fydd cyfle iddyn nhw fwynhau perfformiadau gan feirdd a cherddorion, cwrdd ag athletwyr, a dysgu sut mae gwahanol sefydliadau yn hyrwyddo’r iaith a hunaniaeth y Cymry.

Ond maen nhw’n gwrthod dweud pwy’n union fydd y bobol hynny… er bod golwg360 yn deall na fydd Bardd Cenedlaethol Cymru, Ifor ap Glyn, yn rhan o’r digwyddiadau.

Dirgelwch a diogelwch

Mae trefniadau diogelwch yn y brifddinas yn achos dipyn o ddirgelwch hefyd, wrth i Gyngor Caerdydd wrthod datgelu tan ddydd Mercher nesaf (Ionawr 17) pa ffyrdd fydd yn cael eu cau er mwyn hwyluso taith y Tywysog a’i ddarpar wraig i ac o’r Castell.

Fydd y manylion ddim yn cael eu rhannu yn rhy bell o flaen llaw, meddai llefarydd ar ran Cyngor Dinas Caerdydd wrth golwg360, am resymau diogelwch.

Ar ôl bod yng Nghastell Caerdydd, mae disgwyl i’r pâr ymweld â chanolfan hamdden gymunedol, Hub Star, yn ardal Tremorfa, yng ngogledd-ddwyrain y ddinas.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?