Dim sicrwydd y bydd cymhorthdal i ffermwyr wedi 2020

Diweddarwyd am  

Llun: CCO

Does dim sicrwydd y bydd ffermwyr yn derbyn taliadau gan Lywodraeth San Steffan wedi 2020, yn ôl Plaid Cymru.

Mewn llythyr at Simon Thomas, llefarydd y Blaid ar faterion gwledig, mae’r Trysorlys yn dweud nad yw taliadau’r Polisi Amaethyddol Cyffredin (CAP), wedi’i sicrhau ar gyfer y ddwy flynedd nesaf yn unig.

Mae hynny er i’r Ysgrifennydd Amgylchedd, Bwyd a Materion Gwledig, Michael Gove, ddweud yr wythnos ddiwethaf’ y bydd ffermwyr yn dal i dderbyn yr un cymorthdaliadau tan o leiaf yr etholiad cyffredinol nesaf yn 2022.

Ar hyn o bryd, mae’r taliadau yn dod i ffermwyr drwy’r Undeb Ewropeaidd, ond ar ôl Brexit, fe fydd y system yn cael ei throsglwyddo i wledydd Prydain.

Bydd y system bresennol ar waith tan o leiaf 2020 felly ond mae Simon Thomas yn dweud nad oes sicrwydd i ffermwyr wedi hynny.

Mae bellach yn galw am gytuno ar “fframwaith cyffredin” rhwng gwledydd y Deyrnas Unedig ar faterion amaethyddol ac amgylcheddol er mwyn pennu ar y blaenoriaethau i’r sector wedi Brexit.

Pryder dros gefn gwlad

Rhybuddiodd Simon Thomas y gallai colli’r cymhorthdal arwain at gau ffermydd teuluol, cynyddu prisiau bwyd ac achosi niwed i’r economi wledig.

“Mae’n hanfodol cynnal cyllid i ffermwyr Cymru wedi 2020. Os daw dan Fformiwla Barnett, fel gwariant cyhoeddus arall yng Nghymru, yna bydd ffermwyr Cymru ar eu colled. All Cymru ddim bodloni ar geiniog yn llai o gyllid,” meddai.

“… Rhaid i unrhyw fframwaith ar y cyd gynnwys ymrwymiad i Gymru gael ei chyfran deg o daliadau ffermydd.

“Mae amser yn brin ac y mae’n rhaid i’r llywodraeth gael trefn ar eu cytundeb Brexit. Mae Plaid Cymru yn galw am eglurder er lles ffermwyr Cymru; mae arnynt hwy angen atebion ar frys.”

Mae golwg360 wedi gofyn am ymateb Adran yr Amgylchedd, Bwyd a Materion Gwledig Llywodraeth Prydain.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed