Elin Jones yn amddiffyn gwahardd Gareth Bennett

Diweddarwyd am  
Wyneb Elin Jones

Elin Jones

Llun: Cynulliad Cenedlaethol Cymru CC 2.0

Mae Llywydd y Cynulliad wedi amddiffyn ei phenderfyniad i wahardd Aelod Cynulliad o UKIP rhag siarad yn Siambr y Senedd.

Yn ôl Elin Jones, roedd Gareth Bennett wedi “dwyn anfri” ar y Cynulliad ar ôl iddo ddweud bod angen cwtogi ar hawliau’r lleiafrif, gan gyfeirio at bobol drawsryweddol.

Mae UKIP wedi beirniadu’r Llywydd am ei phenderfyniad, gan ddweud bod angen “herio cywirdeb gwleidyddol”.

“Dw i’n disgwyl urddas a pharch”

Ond wrth siarad â golwg360, dywedodd Elin Jones ei bod hi’n glynu wrth ei phenderfyniad.

“Geith e siarad y diwrnod cyntaf fyddwn ni’n ôl, cyn belled â bod e’n ymddiheuro am yr hyn ddywedodd e,” meddai. “Roedd e’n sicr yn anseneddol ac yn dwyn anfri ar y sefydliad yma.

“Dw i’n disgwyl i Aelodau’r Cynulliad yma drin ei gilydd gydag urddas a pharch ond yn bwysicach, dw i’n disgwyl iddyn nhw drin pob un o bobol Cymru gydag urddas a pharch.

“Doedd hynny ddim yn wir am elfen o’i gyfraniad e, ac fe gawn ni weld beth ddaw yn y flwyddyn newydd. Dw i’n mawr hyderu y bydd yn cymryd cyfnod y Nadolig i ystyried hyn oll a daw nôl gydag ymddiheuriad ac wedi dysgu o’r profiad.

“Mae gyda fi linell o urddas a pharch dw i’n disgwyl oddi wrth Aelodau Cynulliad a dw i’n disgwyl i bawb o ba bynnag blaid i gadw at rheini.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?