Cyngor Gwynedd “wedi colli cyfle i wrthsefyll y diwydiant milwrol”

Diweddarwyd am  

Maes awyrLlanbedr

Llun: Canolfan Awyrofod Eryri

Mae Cyngor Gwynedd wedi “colli cyfle” i wrthsefyll y defnydd cynyddol o dir Cymru “fel safle i hyfforddi at faes y gad”.

Dyna sut y mae Cymdeithas y Cymod yn ymateb heddiw i benderfyniad yr awdurdod i gymeradwyo buddsoddiad o £500,000 ar ddatblygu canolfan awyrofod ym Maes Awyr Llanbedr ger Harlech.

Pryder ymgyrchwyr y grŵp yw bydd yr arian yn cyfrannu at “hyrwyddo drôns militaraidd” ac at “ddatblygu safle fydd yn arbenigo mewn lladd”.

“Hybu’r diwydiant milwrol”

“Ein prif bryder yw ein bod yn defnyddio tir ac awyr Cymru i hybu’r diwydiant milwrol yma sydd wedi dinistrio cymaint o fywydau diniwed ar draws y byd.

“Credwn fod y Cyngor yma wedi colli cyfle i wrthsefyll y cynnydd cynyddol ar ddefnyddio ein gwlad fel safle i hyfforddi at faes y gad.

“Mae hyn yn syndod i ni gan fod mwyafrif Cyngor Gwynedd yn aelodau o Blaid Cymru. Ble’r aeth traddodiad radical a heddychol Plaid Cymru?

“Drôns masnachol”

Yn ôl y Cyngor bydd y buddsoddiad yn cyfrannu at ffordd fynediad newydd a gwelliannau i gyfleusterau’r maes. Yn ôl un o ddogfennau’r cyngor bydd 100 swydd yn cael ei greu.

Mae Prif Weithredwr y safle, Paul Lee, wedi mynnu mai, “drôns masnachol fydd yn cael eu defnyddio yn y mwyafrif o weithgareddau yno”.

Er hyn, mae’n cydnabod “mwy na thebyg” y bydd defnydd milwrol i’r safle, ac mae’n dweud bod y ganolfan mewn trafodaethau â’r Llu Awyr “tros ddefnyddio Llanbedr”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl