Merched a chomedi – ‘y rhai i’w gwylio’

Diweddarwyd am  

Esyllt Sears ar restr ‘Rhai i’w gwylio’ cystadleuaeth Funny Women

Llun: Esyllt Sears

Mae o leiaf dwy Gymraes wedi’u henwebu ar restr fer ‘rhai i’w gwylio’ gan y gystadleuaeth Funny Women sy’n cynorthwyo merched yn y byd comedi ym Mhrydain.

 

Mae’r ddwy yn cynnwys Sarah Breese ac Esyllt Sears, a’r gig hwn fis diwethaf oedd y cyntaf i Esyllt Sears, sy’n wreiddiol o Aberystwyth, berfformio ynddo.

 

“Mi oedd e’n bach o arbrawf i ddweud y gwir, ond mae cael rhywbeth fel hyn [cystadleuaeth Funny Women] yn rhoi gymaint o hyder i rywun,” meddai wrth golwg360.

Dynion yn ‘dominyddu’

Mae Esyllt Sears yn sôn fod angen mwy o gyfleoedd tebyg i annog merched i droi at y byd comedi.

“Y broblem fwyaf dw i’n meddwl yw cael yr amser,” meddai’r fam i ddau o blant gan esbonio y byddai’n ddelfrydol i berfformio gig o leiaf unwaith yr wythnos.

“Ond mae hynna’n profi’n anodd, a dw i’n meddwl fod hynna wedi arwain at sefyllfa sy’n cael ei dominyddu gan ddynion.”

‘Chwilio ei llais’

Mi fu Esyllt Sears, sydd bellach yn byw yn y Bont-faen ac yn gweithio yn y byd cysylltiadau cyhoeddus, yn perfformio yn y gystadleuaeth yn Wolverhampton yr hydref hwn.

Mae’n esbonio ei bod yn parhau i “chwilio ei llais” ar hyn o bryd, ac felly’n teimlo’n fwy cyfforddus yn perfformio yn y Saesneg am fod hynny’n fwy o “act” iddi hi na pherfformio yn ei mamiaith.

Ond mae’n ychwanegu ei bod yn awyddus i berfformio yn y Gymraeg yn y dyfodol a’i bod yn mwynhau ysgrifennu deunydd newydd pan fo’r amser yn caniatáu.

“Dw i bendant yn ystyried gwneud mwy o gigs, a dw i’n gobeithio trio’r gystadleuaeth hon y flwyddyn nesaf hefyd.”

“Mae’r rhestr hyn yn cynrychioli ystod anhygoel o dalent amrywiol a charismatig wedi’u dethol o fwy na 400 o berfformwyr y gwnaethom eu gweld yn fyw yn ystod y rhagbrofion,” meddai llefarydd ar ran Funny Women.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?