Merch “ddewr ac ysbrydoledig” o Sir Gâr yn marw

Diweddarwyd am  

Nia Wyn Thomas

Llun oddi ar ei chyfrif Facebook

Mae merch ifanc o Sir Gâr wedi marw wrth iddi gael triniaeth am gyflwr prin iawn oedd yn effeithio ar ei system imiwnedd.

Roedd Nia Wyn Thomas, 25, am fod y cyntaf yng Nghymru i gael llawdriniaeth arbennig i drin clefyd granulomatous cronig, neu CGD, sy’n golygu bod celloedd yn y system imiwnedd yn cael trafferth gweithredu yn y ffordd y dylen nhw.

Mae’n gyflwr genetig prin, gyda chleifion yn llawer mwy tebygol o ddatblygu heintiau gwahanol o achos ei system imiwnedd gwan.

Mae teyrngedau lu wedi dod i’r ferch “ddewr ac ysbrydoledig”, oedd yn ymladd ei chlefyd “drwy fod yn bositif bob amser”. Roedd hi a’i chariad, Thomas Harvey, newydd ddyweddïo.

“Dw i wedi colli fy ffrind gorau, fy nyweddi a fy narpar wraig,” meddai Thomas Harvey mewn neges ar Facebook.

“Roedd hi’n ddewr tan y diwedd a chefais y cyfle i fod yn rhan o’i bywyd tan y diwedd. Mae fy nghalon wedi torri.”

“Cymeriad bythgofiadwy”

Fe aeth i Ysgol Gyfun Bro Myrddin cyn astudio yn Ysgol Gelf Coleg Sir Gâr. Yn fwy diweddar, bu’n gweithio yn Ysbyty Glangwili, Caerfyrddin.

Roedd hi hefyd yn aelod o grŵp Tynnu Rhaff Merched Llangadog a bu’n cynrychioli Cymru mewn cystadlaethau yng ngwledydd Prydain ac Ewrop.

“Roedd Nia ddim yn unig yn dynnwr gwych ond yn berson hyfryd ac yn gymeriad bythgofiadwy a bydd pawb oedd yn ei hadnabod yn gweld ei heisiau,” meddai Cymdeithas Tynnu Rhaff Cymru.

“Mae ein cydymdeimladau dwysaf yn mynd at ei theulu ac aelodau tîm [Merched Llangadog].”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd