Neil McEvoy: “Mae angen trafod hunanladdiad ymysg dynion”

Diweddarwyd  
Dyn yn dal papur ag arno'r gair "Help"

Llun parth cyhoeddus CC0

Mae angen siarad am hunanladdiad ymysg dynion yn ôl Aelod Cynulliad sy’n trefnu digwyddiad yn y Senedd ddydd Gwener (Tachwedd 17) i drafod y pwnc.

Roedd Neil McEvoy wedi trefnu’r digwyddiad cyn i’r newyddion trist am farwolaeth Carl Sargeant gyrraedd y Senedd, ond mae’n dweud bod yr amgylchiadau yn golygu ei bod yn bwysicach nag erioed i’w gynnal.

“Roeddwn i wedi ystyried canslo’r digwyddiad i fod yn onest ond dw i’n meddwl, mae’n fwy pwysig nag erioed i barhau ag e, ond yn y ffordd fwyaf sensitif bosib,” meddai wrth golwg360.

“Mae yna lawer o bethau sydd angen siarad amdanyn nhw a dw i’n meddwl y bydd y digwyddiad yn helpu pobol i wneud hynny.

“Dw i wedi cael fy synnu gan yr ymateb ar gyfryngau cymdeithasol gan bobol am y broblem. Mae e’n dabŵ, dyw pobol ddim yn siarad amdano.

‘Gorfod ymddwyn fel dyn’

“Mae yna stereoteipiau rhywiaethol bod rhaid i chi “ymddwyn fel dyn” a delio â phob dim, felly mae dynion yn dueddol o beidio siarad am bethau wedyn,” meddai Neil McEvoy wedyn.

“Rydyn ni’n colli pobol, a does dim syniad gyda ni beth oedd yn digwydd [yn eu bywydau], achos mae’n cael ei weld fel rhywbeth anwrol i dderbyn bod gyda chi broblemau.”

Hunanladdiad yw prif achos marwolaethau dynion rhwng 20 a 34 oed ac mae Neil McEvoy yn dweud ei fod am weld mwy o gymorth ar gael sydd wedi’i deilwra ar eu cyfer.

Bydd tri siaradwr yn y digwyddiad, ‘Marw Heb Sylw’ yn Nhŷ Hywel nos Wener:

  • Erin Pizzey, sydd wedi ymgyrchu yn erbyn camdriniaeth yn y teulu
  • Wynford Ellis Owen, a sefydlodd yr elusen Stafell Fyw i helpu pobol â phroblemau gorddibyniaeth
  • Nicola Abraham, Cyfarwyddwr The Jacob Abraham Foundation sy’n ymgyrchu i leihau nifer hunanladdiadau

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd