Cwest: Carl Sargeant ‘wedi crogi’i hun’

Diweddarwyd  
Llun pen ac ysgwydd o'r Aelod Cynulliad

Carl Sargeant

Llun: Cynulliad Cenedlaethol Cymru CC 2.0

 

Crogi oedd achos marwolaeth yr Aelod Cynulliad Carl Sargeant, yn ôl dyfarniad cychwynnol y crwner mewn cwest i’w farwolaeth heddiw.

Cafodd y cwest yn Rhuthun ei agor a’i ohirio.

Cafodd Carl Sargeant, 49 oed, ei ddarganfod yn farw yn ei gartref yng Nghei Conna, gan ei wraig, Bernadette, ddyddiau’n unig wedi iddo gael ei wahardd o’r Blaid Lafur a cholli ei swydd yn Ysgrifennydd Cymunedau a Phlant.

Roedd yn dilyn honiadau ei fod wedi cyffwrdd yn amhriodol a nifer o ferched.

Clywodd Llys y Crwner Rhuthun bod Bernadette Sargeant wedi dod ar draws nodyn ar ddrws ystafell yn y tŷ  – nodyn mewn llawysgrifen ei gŵr yn ei chynghori i beidio mynd i mewn i’r ystafell ac i gysylltu â’r heddlu.

“Er gwaethaf hynny, aeth hi i mewn i’r ystafell a chanfod ei gŵr ar y llawr yn dilyn yr hyn ymddangosir fel gweithred o hunan-niweidio,” meddai’r Uwch-Grwner dros ogledd Cymru, John Gittins.

Gwnaeth gwraig Aelod Cynulliad Alyn a Glannau Dyfrdwy geisio ei adfer, ynghyd ag aelodau eraill o’r teulu a pharafeddygon, ond bu farw yn y fan a’r lle.

Astudio “gofalus”

Mae’r Crwner  John Gittins wedi dweud y bydd yn gofyn am ddatganiadau gan deulu Carl Sargeant; y Prif Weinidog, Carwyn Jones; ac “eraill yn y Cynulliad o bosib”.

Dywedodd y byddai’n “astudio’n ofalus, y camau cymerwyd gan y Cynulliad i ystyried lles meddyliol Mr Sargeant cyn ei farwolaeth”.

Oherwydd yr ymchwiliad annibynnol sydd wedi’i gyhoeddi gan Carwyn Jones, does dim modd i’r Crwner osod dyddiad ar gyfer ailddechrau’r cwest.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd