Dynes gyda chanser yn rhedeg Marathon Eryri

Diweddarwyd  

Jane Holmes

Llun trwy law Jane Holmes

Mae dynes sy’n dioddef gyda chanser yn gobeithio cwblhau Marathon Eryri’r penwythnos hwn, a hynny er i dalp o’i hysgyfaint gael ei dorri allan yn ystod triniaeth.

Tair blynedd yn ôl mi gafodd Jane Holmes ddiagnosis o ganser ar ei hysgyfaint – roedd hi’n 43 ar y pryd a heb ysmygu erioed.

Ers hynny mae’r ddynes o bentref Ffarmers yn Sir Gaerfyrddin wedi codi mwy na £18,700 ar gyfer elusen ganser, Roy Castle Lung Foundation, ac mae’n gobeithio codi ymwybyddiaeth nad ysmygu ydy’r unig gysylltiad â chanser yr ysgyfaint.

 ‘Dycnwch cymeriad’

“Mae agwedd Jane bob amser yn bositif a dyw hi byth yn ildio i newyddion drwg,” meddai Steven Holmes, ei gŵr, fydd hefyd yn rhedeg y marathon yfory.

“Dydy rhedeg 26.2 milltir o gwmpas mynyddoedd Eryri ddim yn hawdd, ond gyda darn mawr o’i hysgyfaint wedi’i dynnu rhai blynyddoedd yn ôl ac effeithiau eraill triniaeth ffyrnig, mae hi’n dal i edrych ar y pethau positif,” meddai.

Nid dyma fydd y tro cyntaf iddi redeg y marathon chwaith a hynny wedi iddi gystadlu yn 2015, pedwar mis ar ôl cael llawdriniaeth ar ei hysgyfaint, gan gwblhau’r ras mewn chwe awr a 10 munud.

“Mae hynna’n dangos dycnwch ei chymeriad a’i hagwedd gadarnhaol,” meddai Steven Holmes.

Ennyd Gobaith

 Yn ddiweddar mae Steven a Jane Holmes wedi trefnu gwasanaeth arbennig yn Eglwys Llanbedr Pont Steffan i gynnig cymorth i bobol sydd wedi’u heffeithio gan ganser, sef Ennyd Gobaith.

Dyma oedd y tro cyntaf i’r elusen Pause for Hope gynnal gwasanaeth yng Nghymru ac mae’n elusen sy’n gwahodd pobol o wahanol enwadau, neu rai nad sydd fel arfer yn troi at grefydd, i ddod ynghyd i rannu profiadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019