£2.3 miliwn i adfer ystâd ger Abertawe

 


Fe fydd coedwig hanesyddol yn Abertawe yn derbyn £2.3 miliwn er mwyn ei adfer.

Roedd Coedwig Cwm Penllergare yn ystâd bonedd enwog ac yn gartref i uchelwr adnabyddus yn y 19eg ganrif.

Dros y degawd diweddaf mae Ymddiriedolaeth Penllergare, ger pentref Penlle’r-gaer, wedi bod yn brwydro i adfer y llecyn sydd wedi ei esgeuluso a’i fandaleiddio dros y blynyddoedd.

Mae’r ymddiriedolaeth wedi dweud eu bod nhw’n hapus iawn heddiw ar ôl derbyn yr arian gan Gronfa Nawdd Treftadaeth y Loteri Genedlaethol.

“Ers 10 mlynedd rydyn ni wedi bod yn gweithio i adfer y cwm,” meddai Hal Moggridge, Cadeirydd Ymddiriedolaeth Penllergare.

“Y nod yw bod y dirwedd hynod brydferth yma sydd ar stepen drws Abertawe ar gael i bawb ei fwynhau.

“Mae’n nawdd yn fuddsoddiad anferth yn Abertawe a’i bobol ac yn bleidlais fawr o hyder yn yr Ymddiriedolaeth.”

Cafodd Ystâd Penllergare ei greu gan John Dillwyn Llewelyn, oedd yn enwog am ei gyfraniad at gynllunio tirwedd a’i waith ffotograffig “arloesol”.

Dechreuodd dirywiad y goedwig wrth i draffordd yr M4 gael ei adeiladu dros ran ohono, a chafodd plasty John Dillwyn Llewelyn ei ddinistrio er mwyn adeiladu swyddfeydd y cyngor.

Cafodd Ymddiriedolaeth Penllergare ei ffurfio yn y flwyddyn 2000 er mwyn ceisio achub y goedwig rhag dirywio ymhellach.

Y gobaith yw y bydd modd trawsnewid y goedwig yn atyniad i dwristiaid a denu 130,000 o ymwelwyr bob blwyddyn.

Fe fydd yr arian yn mynd at ail-greu pont garreg dros afon, adfer llyn ac ail-blannu coed a llwyni addurnol.

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed