Mae canran yr ymgeiswyr a enillodd radd A* neu A yng Nghymru wedi gostwng eleni.
Roedd cynnydd bach yng nghanran y myfyrwyr yng Nghymru a lwyddodd i ennill gradd o A* – E, o 97.1% yn 2010 i 97.2% eleni.
Ond gostyngodd canran yr ymgeiswyr a enillodd radd A* fymryn, o 6.5% i 6.3%, tra bod cyfran yr ymgeiswyr a enillodd raddau A wedi gostwng o 24.4% y llynedd i 23.9% eleni.
Dyna’r lefel isaf yng Nghymru ers pum mlynedd.
Ar draws Prydain enillodd 8.2% o’r ymgeiswyr radd A* a 27.0% radd A.
Daw’r canlyniadau ymysg pryderon y bydd ennill lle mewn prifysgol yn anoddach nag erioed o’r blaen oherwydd bod cymaint o alw eleni cyn codi ffioedd dysgu’r flwyddyn nesaf.
Dywedodd Leighton Andrews y byddai yn gwneud ei orau i sicrhau fod pob myfyriwr yng Nghymru yn cyrraedd eu potensial.
“Mae yna lawer iawn o gystadleuaeth am lefydd mewn prifysgol, profiad gwaith a swyddi,” meddai Leighton Andrews.
“Bydd pethau’n mynd yn anoddach cyn iddyn nhw fynd yn haws.
“Mae’r bobol ifanc sy’n casglu eu canlyniadau heddiw yn cymryd y cam cyntaf tuag at ddiogelu eu dyfodol eu hunain.
“Rydw i eisiau gweld safon addysg yng Nghymru yn gwella. Rydw i eisiau i bob un o’n pobol ifanc lwyddo a chyrraedd eu potensial.”
Bechgyn v Merched
Tebyg iawn eleni oedd perfformiad y bechgyn a’r merched ar y radd A* uchaf, gyda 6.3% o ferched a 6.2% o fechgyn yn ei hennill, y ddau ffigur hyn fymryn yn is na 2010.
Fodd bynnag, er bod perfformiad y merched yn ennill y graddau A wedi gwella fymryn i 24.8%, gostwng wnaeth canran y bechgyn yn gwneud hynny o 24.3% yn 2010 i 22.7% eleni.
Yn gyffredinol, parhaodd y merched i berfformio’n well na’r bechgyn yng Nghymru, gyda 97.7% o gofrestriadau pwnc y merched yn ennill graddau A*-E, o’i gymharu â 96.6% o gofrestriadau’r bechgyn.
Mae’r bwlch ehangaf ar y graddau B ac C, lle mae merched yn perfformio’n well na’r bechgyn o 5 i 6 phwynt canrannol.
Ieithoedd ar drai
Roedd nifer y myfyrwyr ymgeisiodd am Lefel A Cymraeg iaith gyntaf yr un nifer a’r llynedd ond roedd cynnydd o 12% yn nifer y disgyblion Cymraeg Ail Iaith.
Cynyddodd nifer y rheini enillodd radd A mewn Cymraeg Iaith Gyntaf o 22.9% i 24.7%, a chynyddodd nifer y rheini enillodd radd A* o 5% i 5.3%.
Enillodd yr un faint o’r myfyrwyr Cymraeg Ail Iaith radd A a’r llynedd, sef 16.5%, ond roedd cynnydd yn nifer y rheini a enillodd radd A*, o 2.6% i 3.2%.
Roedd cynnydd o rhwng 7% a 15% mewn Bioleg, Cemeg, Economeg, Hanes, Astudiaethau Crefyddol, Sbaeneg.
Ond parhau wnaeth y tuedd cyffredinol ar i lawr yng nghofrestriadau’r Ieithoedd Tramor Modern (ITM) yn achos Ffrangeg ac Almaeneg.
Pwnc | Ymgeiswyr | Canran Gradd A*-E | Canran Gradd A | Canran Gradd A* | ||||
2010 | 2011 | 2010 | 2011 | 2010 | 2011 | 2010 | 2011 | |
Hanes | 2776 | 2964 | 99.4 | 99.4 | 25.3 | 24.3 | 5.5 | 4.1 |
Cymraeg Iaith Gyntaf | 362 | 360 | 99.4 | 99.4 | 22.9 | 24.7 | 5.0 | 5.3 |
Drama | 922 | 881 | 98.9 | 98.8 | 16.9 | 14.2 | 4.1 | 2.2 |
Celf | 2247 | 2242 | 98.7 | 98.6 | 30.7 | 30.7 | 12.9 | 12.3 |
Cerddoriaeth | 689 | 663 | 98.7 | 98.5 | 20.3 | 18.4 | 2.6 | 3.5 |
Saesneg | 3732 | 3529 | 98.4 | 98.5 | 20.3 | 19.8 | 6.7 | 5.5 |
Economeg | 443 | 509 | 98.2 | 96.3 | 32.3 | 28.7 | 6.1 | 9.0 |
Aaearyddiaeth | 1732 | 1744 | 98.2 | 98.2 | 22.9 | 22.9 | 4.6 | 5.2 |
Y Cyfryngau | 1380 | 1403 | 97.9 | 98.6 | 14.6 | 10.2 | 2.0 | 0.8 |
Crefydd | 1345 | 1489 | 97.5 | 98.0 | 21.2 | 20.5 | 3.9 | 3.5 |
Cymraeg Ail Iaith | 496 | 558 | 97.4 | 97.7 | 16.5 | 16.5 | 2.6 | 3.2 |
Cemeg | 2132 | 2333 | 97.3 | 97.3 | 32.8 | 33.0 | 8.5 | 8.2 |
Mathemateg | 3362 | 3375 | 97.2 | 97.5 | 44.2 | 43.9 | 13.1 | 15.5 |
Technoleg | 1013 | 1038 | 97.1 | 96.2 | 11.0 | 12.5 | 2.6 | 2.1 |
Almaeneg | 209 | 179 | 97.1 | 98.9 | 33.0 | 32.4 | 8.6 | 8.9 |
Ffrangeg | 711 | 641 | 96.9 | 96.6 | 32.2 | 30.6 | 5.3 | 4.5 |
Busnes | 1025 | 1030 | 96.8 | 96.2 | 16.6 | 18.0 | 3.5 | 3.1 |
Chwaraeon | 1093 | 1004 | 96.5 | 95.1 | 12.9 | 12.2 | 2.8 | 3.3 |
Beioleg | 2712 | 2924 | 96.2 | 95.7 | 25.4 | 26.1 | 5.5 | 6.0 |
Cymdeithaseg | 1294 | 1320 | 96.2 | 97.4 | 23.3 | 20.4 | 6.6 | 4.6 |
Sbaeneg | 220 | 244 | 95.5 | 95.1 | 30.5 | 26.6 | 5.9 | 5.7 |
Ffiseg | 1450 | 1453 | 95.1 | 96.7 | 27.2 | 25.7 | 8.1 | 6.2 |
Cyfrifiadureg | 1849 | 1805 | 94.6 | 94.3 | 11.7 | 11.7 | 2.1 | 1.4 |
Seicoleg | 1730 | 1790 | 94.2 | 94.3 | 13.9 | 13.3 | 3.9 | 2.8 |
Cyfraith | 769 | 813 | 92.3 | 95.1 | 24.1 | 19.2 | 6.2 | 6.0 |