‘Fe fydda’ i’n ôl’ – Meistres y Gwisgoedd

Diweddarwyd am  


Sian Aman
Er ei bod wedi ymddeol ar ôl 27 mlynedd o waith, mae Meistres y Gwisgoedd wedi addo y bydd yn ôl yn yr Eisteddfod y flwyddyn nesa’ i helpu ei holynydd.

“Dwi wedi addo wrth Jim Parcnest y bydda i ’ma flwyddyn nesa,” meddai Sian Aman – Jean Huw Jones -, sy’n dweud bod yr Archdderwydd wedi ei siarsio i beidio â gorffen cyn bod ei gyfnod yntau’n dod i ben. “Felly dw i wedi dweud wrth Ela ’mod fi ar ga’l ym Mro Morgannwg i roi help.”

Ela Jones sydd bellach wedi cymryd yr awenau ers seremoni’r Cadeirio ddydd Gwener pan dalodd yr Archdderwydd deyrnged wresog iawn i’r wraig sydd wedi bod yn gofalu am drefnu dillad yr Orsedd ers Eisteddfod 1985.

“Dw i’n gadael gyda stôr o atgofion a llu o ffrindiau,” meddai Jean Huw Jones wrth Golwg 360.

Ddydd Iau, cafodd gyfle i ddweud hwyl fawr dagreuol iawn wrth aelodau’r Orsedd yn y cyfarfod cyffredinol ar y maes.

“Fe fydda i yn colli’r gwmnïaeth a’r holl fynd a dod,” meddai, “ond y cyfrifoldeb yw’r peth n fydda’ i ddim yn gweld ei golli ar ôl heddi!”

Ac mae gan Feistres y Gwisgoedd gyngor i’w holynydd: “Bydd rhaid iddi ga’l sense of humour, amynedd Jôb, a doethineb Solomon i wneud y gwaith ’ma … a’r gallu i wneud gwyrthie mewn pum munud!”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed