Edward H – cofio’r joio a’r gwleidyddol

Diweddarwyd  


Y band roc a rôl Edward H Dafis yn ei anterth yn y 1970au
Edward H. Dafis, grŵp roc Cymraeg enwoca’r 70au, fydd yn edrych yn ôl ar y bywyd roc a rôl mewn rhifyn arbennig o’r gyfres Cofio nos Sadwrn nesaf (23 Gorffennaf) ar S4C.

Yn Cofio gydag Edward H Dafis, bydd Dewi ‘Pws’ Morris, Hefin Elis, John Griffiths, Charli Britton a Cleif Harpwood yn trafod y dylanwadau cerddorol a gwleidyddol ar eu cerddoriaeth arloesol ac yn datgelu’r rhesymau dros y chwalfa ym 1976 a’r pwysau i ail-ddechrau ddwy flynedd yn ddiweddarach.

Gyda chyfraniadau gan rai o’u dilynwyr ffyddlon mae’r rhaglen yn cynnwys archif ffilm gwych o berfformiadau gorau’r band gan gynnwys y noson ffarwel fythgofiadwy ym Mhafiliwn Corwen yn ogystal â’r gyngerdd gyntaf ar ôl ail-ffurfio yn Nhalybont ym 1978.

Yn ogystal â defnyddio archif gerddorol gyfoethog o hen gyfweliadau a chyngherddau’r band, cawn gyfle i glywed atgofion, storïau a chyfrinachau direidus aelodau’r band bron i ddeugain mlynedd ers iddyn nhw ffurfio ym 1973.

“Buon ni mor llwyddiannus, fi’n credu, achos y ffaith bod pobol yn joio gweld ein bod ni’n joio eu gweld nhw’n joio, a bod y peth yn bownso ‘nôl a mla’n,” meddai Dewi Pws.

Dywed Cleif Harpwood fod rhai wedi eu hannog nhw i gyfieithu eu caneuon nhw er mwyn mynd yn broffesiynol a gwneud yn dda yn y byd cerddorol Saesneg.

“Ond i mi, nid dyna oedd y bwriad,”  meddai wedyn. Roedd y bwriad yn wleidyddol.  Y bwriad oedd defnyddio’r Gymraeg i roi haen arall, haen gyfoes i’n pobl ifanc ni, ac i’r genedl yn gyffredinol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed