Prifysgol Caerdydd am godi’r £9,000

Prifysgol Caerdydd
Mae Prifysgol Caerdydd wedi cyhoeddi eu bod nhw’n bwriadu codi £9,000 y flwyddyn ar fyfyrwyr sydd eisiau astudio yno.

Fis diwethaf datgelodd Golwg 360 fod Cyngor Prifysgol Aberystwyth wedi cytuno i godi £9,000, sef yr uchafswm sy’n bosib, ar eu myfyrwyr nhw.

Bydd rhaid i Gyngor Cyllido Addysg Uwch Cymru gytuno cyn y bydd gan y prifysgolion yr hawl i godi’r swm.

Bydd myfyrwyr o Gymru yn parhau i dalu £3,375 y flwyddyn, a Llywodraeth Cymru yn talu’r gweddill. Serch hynny fe fydd myfyrwyr sy’n dod i Gymru o Loegr yn gorfod talu’r swm llawn.

Mae disgwyl i brifysgolion blaenllaw eraill Cymru, gan gynnwys Bangor, hefyd godi’r £9,000 llawn ar fyfyrwyr.

Dywedodd yr Is-Ganghellor, Dr David Grant, nad oedd y penderfyniad wedi “bod yn un hawdd” i’r brifysgol.

Roedd rhaid i’r brifysgol ystyried ffyrdd eraill o ariannu eu cyrsiau wrth i’r llywodraeth gyfrannu llai yn sgil y toriadau ariannol, meddai.

“Rydyn ni’n benderfynol o sicrhau fod pawb sydd â’r potensial i lwyddo yn gallu astudio yma,” meddai.

Dywedodd Undeb Myfyrwyr Caerdydd eu bod nhw’n cefnogi’r penderfyniad i godi’r uchafswm ar fyfyrwyr.

“Rydyn ni’n ffyddiog y bydd Caerdydd yn parhau yn un o’r llefydd gorau ym Mhrydain i fyw ac astudio,” meddai Llywydd yr undeb, Olly Birrell.

6 sylw

Jones 24 Mai 2011, 16:19

Yn 2004 y ffioedd oedd chydig dros £1,000 ym mhob Prifysol. Nath Llafur dweud y byddent yn codi ffioedd i chydig dros £3000. Gan ddeud na fydd o’n mynd yn uwch. Diolch i’r Cynulliad nath ffioedd yng Nghymru aros ar chydig dros £1,000 hyd at flwyddyn dwytha.

Nawr mae rai i’r Cymry chydig dros £3,000, ag yn y dyfodol fydd o’n £9,000 yn Lloegr. A no doubt, ni fydd y Cynulliad yn gallu cadw y grant i’r Cymry. Y joc ydy, oherwydd bod y grant dysgu wedi disgyn. Ni fydd myfyrwyr yn cael addysg “gwell” fydd nhwn talu tair gwaith yn fwy, am addysg sydd union yr un peth!

Y cwestiwn dwi eisiau gwybod ydy lle mae hyn am orffen?

Maldwyn Price 24 Mai 2011, 19:57

Cywir Jones – ac mae’n prifysgolion mewn stad ddifrifol fel y ament – o ran isadeiladedd, o ran cyflogau a moral staff, ac oherwydd bod prifysgolion yn cael ei gwerthuso ar lefel ymchwil yn hytrach na chreu dinasyddion da i’r dyfododl nid yw myfyrwyr yn cael chwarae teg. Ar ben hynny mae’r synaid dwl yma bod angen i 50% o’r boblogaeth oed fynd i brifysgol yn syniad anhygoel o ffol a meiopig … nid yw addysg prifysgol yn addas i nifer fawr o bobl a gwastraff amser y myfyriwr a’r staff yw ei bod yno.

lolyn 24 Mai 2011, 22:29

Does dim swyddi na aprentaships i’w cael, os dim addysg prifysgol be sydd i fobol ifanc? Sortiwch hyna cyn dweud bod angen llai ohonom fynd i’r brifysgol. Mae’n brofiad gwerthfawr a ellith o dim ond bod yn beth da bod mwy o fobol ifanc yn cael y profiad

Maldwyn Price 25 Mai 2011, 09:11

Y broblem yw Iolyn ein bod – ac mi rydw’n darlithio – yn gorfod ‘dymio lawr’ beth rydym yn ei ddysgu er mwyn sicrhau bod pawb yn pasio (gan ein bod yn cael ein beirnaidu os bydd myfyrywr yn methu) ac o ganlyniad mae’r goreuon o ran ysgolheictod yn colli allan ar gael ei hysgogi a’u cataleiddio i fod yn llwyddiannus. Mae dim ond edrych ar safle ysgolheictod a blaengarwch Cymru, a Phrydain, a sut mae hwnnw wedi syrthio’n echrydus yn rhygwladol dros y bum mlynedd diwethaf yn dangod nad ydy’r strategaeth o Brifysgol i bawb ddim yn gweithio. Ar ben hynny nid yw prifysgolion yn derbyn digon o nawdd i ariannu addysg gyfalwn a chref i hanner y nifer y myfyrywr sydd gennym. Bu rhaid i ni roi heibio tiwtorialau, sesiynau un-ar-un, bugeilio academaidd gofalus oherwydd prinder amser ar yr amserlen a’r nifer rydym yn ei ddysgu – sut gellir dysgu dosbarth o 450 yn effeithiol! Rwy’n cytuno nod angen addysg alwedigaethol – dyna drueni mawr dileu y sefydliadau politechnig sydd nawr yn methu cystadlu a’r hen brifysgolion am nawdd ymchwil ac ati ac felly yn cael eu llorio. Beth sy’n dweud y dylai pawb fynd i Brifysgol – lle i ysgolheictod yw Prifysgol nid i ddysgu profiad bywyd; gall pawb ddim chwarae mewn tim rygbi, gall pawb ddim canu mewn cor na chanu offeryn mewn cerddorfa; gall pawb ddim actio — pam bod rhaid i Brifysgol fod i bawb!

Jones 25 Mai 2011, 09:46

Maldwyn; dwi’n cytuno hefo bob dim rydych chi wedi’i ddeud. Pam 50% nath nhw ddewis, pam ddim 55, neu 60%. Ryw ffigwr sydd wedi’i ddewis, ond i gael stori da yn y cyfryngau.

Y peth syml ydy, tydy pobol sydd yn cael D’s, C’s ayyb yn lefel A, ydy nhw wirioneddol digon da i gael BA neu BSc?.

Ond fel mae Iolyn yn ei ddeud; does na’m swyddi a aprentaships ar gael- felly i gadw ffigyrau yn eithaf da, mae nhw’n anog pobol i fynd i coleg. Ac yn anog nhw i neud cyrsiau “Mickey Mouse”. Sydd, ar ol 3mlynedd yn edrych fel gwastraff amser llwyr.

Dwi o’r farn y dylid PAWB gael fynd i’r Brifysgol. DIM OND os ydych digon yn eich pen- gan gofio mai rhywbeth academaidd ydyw.

Maldwyn Price 25 Mai 2011, 17:39

Ac mi fyddwn inne’n cytuno – byddwn yn barod ac yn dadlau dros i bawb o’r boblogaeth ddod i’r Brifysgol os mai dyna y peth cywir iddynt ei wneud, os ydynt yn medru gwneud yr hyn a ddisgwylir ac, ie, fel y dywedwch chi os ydynt yn medru ymdopi a’r disgywliadau … a’r broblem gyfredol yw bod canran uchel o’n myfyrwyr ddim. Yn fy mhwnc i ‘rwy’n dysgu deunydd i’r Flwyddyn Olaf y cefais i fy nysgu yn Aber ar ddiwedd yr wythdegau yn y Flwyddyn Gyntaf!

Mae’r sylwadau wedi cau.

Prifysgol Caerdydd am godi’r £9,000

Yr ail o Brifysgolion Cymru i godi’r uchafswm

Poblogaidd

Swyddi

Cynhyrchydd (Dwy swydd)

Cyfathrebwr Estyn Allan STEM (40% CALl)

Cynorthwyydd Materion Rheoleiddiol Ofcom Cymru

Pennaeth y Gwasanaethau Cyfreithiol (Dros Gyfnod Mamolaeth)

Cyfarwyddwr Astudiaethau Caplaniaeth

Swyddog Arweiniol Data

Swyddog Prosiect Ymbweru Bro (ardal Wrecsam)

Crëwr Cynnwys Digidol

Aelodau Cyngor Celfyddydau Cymru

Tiwtor Cymraeg ar gyfer y Gweithlu Addysg

← Stori flaenorol

Rhybudd am “oblygiadau byd eang” i’r cynhesu yn yr Arctig

Stori nesaf →

Ryan Giggs heb ymarfer heddiw

Hefyd →

Ysgol Dyffryn Aman wedi symud ar-lein dros dro

6 sylw