Dim swydd Llywydd i Dafydd El

Dafydd Elis-Thomas
Ni fydd Dafydd Elis Thomas yn cael ei enwebu pan fydd Llywydd y Cynulliad yn cael ei ddewis yfory.

Mae Aelod Cynulliad Dwyfor Meirionydd wedi bod yn Llywydd ers 1999. Y disgwyl yw y bydd y Llywydd yn dod o Blaid Lafur a’r Dirprwy Lywydd o’r gwrthbleidiau.

Mewn cyfarfod â’r wasg heddiw dywedodd arweinydd y Ceidwadwyr, Paul Davies, y dylai Aelod Cynulliad o’u plaid nhw fod yn Llywydd y Cynulliad.

Dywedodd Paul Davies fod “Dafydd Elis Thomas wedi gwneud ei waith yn wych dros y 12 mis diwethaf”.

“Ond yng ngoleuni ein canlyniad gwych yr wythnos diwethaf rydyn ni’n credu y dylai’r Llywydd ddod o’n meinciau n,” meddai.

Serch hynny AC Llafur Dwyrain Casnewydd, Rosemary Butler, yw’r ffefryn i gymryd yr awenau. Hi oedd y Dirprwy-Lywydd yn y Cynulliad diwethaf.

Ymysg y Ceidwadwyr, Angela Burns, AC Gorllewin Caerfyrddin a De Penfro, neu William Graham, AC Dwyrain De Cymru, yw’r ddau ddewis amlwg.

Yn draddodiadol mae’r llywydd neu’r dirprwy lywydd yn dod o un blaid sydd mewn llywodraeth ac un o’r gwrthbleidiau.

8 sylw

gwyn 10 Mai 2011, 20:06

Wylit wylit Llywelyn
Wylit waed pe gwelet hyn

Jones 10 Mai 2011, 20:26

Dwi’n rhagweld fe fydd ryw fath o glymbleidio gyda Plaid yn y dyfodol agos. A dwi’n cofio’r Arglwydd yn dweud fysa’n hoffi fod yn weinidog ychydig fisoedd cyn yr etholiad….

…un peth sy’n sicr; allai’m gweld o’n eistedd yn ddistaw ar y meinciau cefn!

lolyn 10 Mai 2011, 21:10

Boi na wedi parchuso allan o Gymru bethbynag. Barnu gweithredu cymdeithas a ddim pleidleisio i dynu S4C o’r mesur cyrff cyhoeddus er fod o’n arglwydd a efo’r hawl… pam dydi o ddim yn bod yn stret efo ni a jest ymuno efo’r blaid toriaidd?

gwyn 10 Mai 2011, 21:24

Anheg Iolyn – ni fyddai gan y Cynulliad gymaint o gefnogaeth yng Nghymru onibai am y ffaith i DEl roi statws i’r sefydliad oddi mewn i wledydd Prydain. Bydd colled enfawr ar ei ol — ond efallai daw nol! A gyda llaw rwy’n gresynu’r agwedd bod rhaid cefnogi gweithredoedd C yr I i fod yn Gymro – pawb at y peth y bo ond mae yna Gymry dylanwadol a gweithgar sy’n medru gweithio o fewn y system. Ac mae angen rheini ar Gymru yn druenus.

Jones 10 Mai 2011, 22:24

gwyn- dani di bod dros a dros hyn- tydy’r dyn ddim yn rhoi statws i’r lle mae’n un or ddynion ’na sydd yn ’wymon’.

O ni’n gweld o’n hileriws ar y newyddion heddiw pan nath nhw ofyn iddo, be oedd o am neud?. Gan gofio bod o dal yn AC un or pethau cyntaf nath o ddeud oedd “I want to reform the House of Lords… I want out of there”. Felly ar ol mynd yn erbyn y Blaid i gael fynd yn…. mae o nawr eisiau mynd ona?. Hefyd ni ddylai di-weithdra, problemau iechyd ayyb ddim fod yn uwch i fyny am ‘be mae o am ei neud’.

Mae’n edrych fy mod i’n gywir; ni fydd o’n eistedd a’r y meinicau cefn….. fydd o’m yn hyd yn oed troi i fyny i’r Cynulliad. Y lle sy’n talu ei gyflog, y lle sydd newydd ei ethol. Mae’n debyg mai yn Llundain fydd o i newid y Ty’r Arglwyddi- piti toedd o’m yna am ddadl S4C.

-gwymon!

Bedwyr Clwyd Griffiths 10 Mai 2011, 23:12

Angen newid i fod yn honest, ond mi rydw i yn pryderus fydd y llywydd na is-lywydd yn medru’r Gymraeg.

Fon Gruffydd 11 Mai 2011, 00:55

Dwi’n cytuno gyda C Davies. Mae 12 mlynedd yn ddigon mewn unrhyw swydd o’r fath.
Beth bynnag mae rhywun yn meddwl am yr Arglwydd – ac mae digon o le i’w gollfarnu – be sy’n bwysig ydy roedd o’n defnyddio’r Gymraeg fel Llywydd y Cynulliad. Hyd y gwelaf i does yr un o’r rhai sy’n debyg o’i olynu yn medru’r iaith. Dylai’r gallu i siarad Cymraeg fod yn HANFODOL ar gyfer swydd y Llywydd. Mae’n effeithio ar holl weithgareddau’r Cynulliad. Ond mae’n ymddangos nad ydy gallu’r Llywydd newydd i siarad Cymraeg, neu beidio, wedi cael ei ystyried hyd yn oed. Bydd cael Llywydd di-Gymraeg yn ergyd fawr i statws ac amlygrwydd yr iaith yn ein Cynulliad Cenedlaethol ac yn y byd gwleidyddol Cymreig yn gyffredinol.

gwyn 11 Mai 2011, 12:08

Jones – does dim pwynt dadlau. Cawn weld beth ddigwydd. Rhyw ddiwrnod fe wneiff Cymru ddeall nad yw’r mwyafrif o Gymry yn gefnogol i’r cyfeiraid mae’n gwlad yn mynd a bydd angen pobl fel DEl sy’n gweld ein rol o fewn cyfundrefn Brydeinig. Nid yr Alban yr ydym – lle mae pobl yn hidio am eu treftadaeth ac ati! Cawn weld! Gwymon efallai – ond wrth gwrs bydd Jones hefyd yn sywleddoli y byddai mor a bywyd y mor yn marw heblaw am allu gwymon i sicrhau cynhaliaeth, clanhau llygredd a sicrhau adnodd faeth i ganran uchel o boblogaeth y byd.

Mae’r sylwadau wedi cau.

Dim swydd Llywydd i Dafydd El

Disgwyl i’r cyn-Ddirprwy-Lywydd Rosemary Butler ei olynu yn y swydd

Poblogaidd

Swyddi

Cyfathrebwr Estyn Allan STEM (40% CALl)

Cynorthwyydd Materion Rheoleiddiol Ofcom Cymru

Pennaeth y Gwasanaethau Cyfreithiol (Dros Gyfnod Mamolaeth)

Cyfarwyddwr Astudiaethau Caplaniaeth

Swyddog Arweiniol Data

Swyddog Prosiect Ymbweru Bro (ardal Wrecsam)

Crëwr Cynnwys Digidol

Aelodau Cyngor Celfyddydau Cymru

Tiwtor Cymraeg ar gyfer y Gweithlu Addysg

Rheolwr Aelodaeth

← Stori flaenorol

Rhybudd am “oblygiadau byd eang” i’r cynhesu yn yr Arctig

Stori nesaf →

Beirniadu cais Radio Ceredigion am lai o Gymraeg

Hefyd →

Ysgol Dyffryn Aman: Merch wedi’i harestio ar amheuaeth o geisio llofruddio

8 sylw